കഞ്ചാവ് വില്‍പന ചോദ്യം ചെയ്ത യുവാവിനെ വെട്ടി കൊലപ്പെടുത്താന്‍ ശ്രമിച്ച പ്രതി പിടിയില്‍

ഇക്കഴിഞ്ഞ ഏഴിനാണ് കായംകുളം കാപ്പില്‍ സ്വദേശി പ്രറ്റി പ്രഹ്ലാദനെ വീടിന് സമീപം വെച്ച് ഷംനാദ് കുത്തിയും വെട്ടിയും പരിക്കേല്‍പ്പിച്ചത്.  

കായംകുളം: കഞ്ചാവ് (Ganja) വില്‍പന ചോദ്യം ചെയ്ത യുവാവിനെ വെട്ടിക്കൊലപ്പെടുത്താന്‍ ശ്രമിച്ച പ്രതി പൊലീസ് (Police)പിടിയില്‍. നിരവധി കേസിലെ പ്രതിയായ കായംകുളം ദേശത്തിനകം സ്വദേശി കൊച്ചനി എന്ന് വിളിക്കുന്ന ഷംനാദ് (Shamnad)  ആണ് പിടിയിലായത്. ഇക്കഴിഞ്ഞ ഏഴിനാണ് കായംകുളം കാപ്പില്‍ സ്വദേശി പ്രറ്റി പ്രഹ്ലാദനെ വീടിന് സമീപം വെച്ച് ഷംനാദ് കുത്തിയും വെട്ടിയും പരിക്കേല്‍പ്പിച്ചത്.

പ്രദേശത്ത് കഞ്ചാവ് കച്ചവടം ചോദ്യം ചെയ്തതാണ് ആക്രമിക്കാന്‍ കാരണം. ഗുരുതരമായി പരിക്കേറ്റ പ്രറ്റി പ്രഹ്ലാദന്‍ ചികിത്സയിലാണ്. കഞ്ചാവ്, അടിപിടി തുടങ്ങി നിരവധി കേസുകളില്‍ പ്രതിയാണ് ഷംനാദ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.