ക്ഷേത്രത്തില് തിറ കാണുകയായിരുന്ന യുവതിക്ക് നേരെ ലൈംഗികാതിക്രമം; യുവാവിനെ പിടികൂടി
Synopsis
കോഴിക്കോട് കാരപ്പറമ്പിലെ ക്ഷേത്രോത്സവത്തിനിടെ പെണ്കുട്ടിയോട് ലൈംഗികാതിക്രമം നടത്തിയ യുവാവിനെ പോലീസ് അറസ്റ്റ് ചെയ്തു. കക്കോടി സ്വദേശിയായ വൈശാഖ് ആണ് പിടിയിലായത്. യുവതിയുടെ പരാതിയെ തുടർന്ന് നടക്കാവ് പോലീസാണ് ഇയാളെ പിടികൂടി കോടതിയിൽ ഹാജരാക്കിയത്.
കോഴിക്കോട്: ക്ഷേത്രോത്സവത്തിനിടെ പെണ്കുട്ടിയോട് ലൈംഗികാതിക്രമം നടത്തിയ യുവാവിനെ പോലീസ് അറസ്റ്റ് ചെയ്തു. കോഴിക്കോട് കക്കോടി പടിഞ്ഞാറ്റുംമുറി സ്വദേശി തട്ടാരിക്കല് വീട്ടില് വൈശാഖി(25)നെയാണ് പോലീസ് പിടികൂടിയത്. കഴിഞ്ഞ ദിവസം രാത്രി കാരപ്പറമ്പിലെ ക്ഷേത്രത്തില് വച്ചാണ് അനിഷ്ട സംഭവങ്ങളുണ്ടായത്.
ഉത്സവത്തിന് എത്തിയതായിരുന്നു വെസ്റ്റ്ഹില് സ്വദേശിനിയായ യുവതി. തിറ കണ്ടുകൊണ്ടിരിക്കുന്നതിനിടെ വൈശാഖ് ഇവരെ ലൈംഗികമായി ഉപദ്രവിക്കുകയായിരുന്നു. യുവതി നല്കിയ പരാതിയുടെ അടിസ്ഥാനത്തില് കോഴിക്കോട് നടക്കാവ് പോലീസാണ് നടപടി സ്വീകരിച്ചത്. കേസ് രജിസ്റ്റര് ചെയ്യുകയും പ്രാഥമിക അന്വേഷണം നടത്തുകയും ചെയ്തു. പിന്നീട് എഎസ്ഐ സുനീഷ്, സീനിയര് സിവില് പോലീസ് ഓഫീസര്മാരായ രാഹുല്, ദിനേശ് എന്നിവര് ചേര്ന്ന് വൈശാഖിനെ പിടികൂടുകയുമായിരുന്നു. അറസ്റ്റ് രേഖപ്പെടുത്തിയ ശേഷം ഇയാളെ കോടതിയില് ഹാജരാക്കി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam