മാവോയിസ്റ്റ് സംഘാം​ഗം ഉണ്ണിമായയെ തെളിവെടുപ്പിനായി അട്ടപ്പാടിയിലെത്തിച്ചു

അഗളി സ്റ്റേഷനിലെത്തിച്ച ഉണ്ണിമായയെയും കൊണ്ട് നാളെ തെളിവെടുപ്പ് നടത്തും. അഗളി ഡിവൈഎസ്പിയുടെ നേതൃത്വത്തിലായിരിക്കും തെളിവെടുപ്പ് നടത്തുക. 

കൽപറ്റ: കഴിഞ്ഞ ദിവസം വയനാട് പെരിയ ചപ്പാരത്തുണ്ടായ ഏറ്റുമുട്ടലിൽ പിടിയിലായ മാവോയിസ്റ്റ് സംഘത്തിലെ അം​ഗമായ ഉണ്ണിമായയെ തെളിവെടുപ്പിനായി അട്ടപ്പാടിയിലെത്തിച്ചു. 2014 ൽ മുക്കാലി ഫോറസ്റ്റ് ഓഫീസ് കത്തിച്ച കേസ്,  കോട്ടത്തറ വില്ലേജ് ഓഫീസ് പോസ്റ്റർ പതിച്ച സംഭവം, കുറുക്കൻകുണ്ടിൽ വീട്ടിലെത്തി ഭക്ഷണ സാധനങ്ങൾ ശേഖരിച്ച സംഭവം തുടങ്ങിയ സംഭവങ്ങളിലെ തെളിവെടുപ്പിന് വേണ്ടിയാണ് എത്തിച്ചത്. അഗളി സ്റ്റേഷനിലെത്തിച്ച ഉണ്ണിമായയെയും കൊണ്ട് നാളെ തെളിവെടുപ്പ് നടത്തും. അഗളി ഡിവൈഎസ്പിയുടെ നേതൃത്വത്തിലായിരിക്കും തെളിവെടുപ്പ് നടത്തുക.

ഏഷ്യാനെറ്റ് ന്യൂസ് ലൈവ്