ഇരിക്കുന്നത് കസേരയിൽ, കൈയ്യില് റിമോട്ട്, ടി വി ഓണ്; നരിക്കുനിയിൽ മധ്യവയസ്കയുടെ മൃതദേഹം വീട്ടിനുള്ളില് കണ്ടെത്തി
Synopsis
കോഴിക്കോട് നരിക്കുനിയിൽ തമിഴ്നാട് സ്വദേശിനിയായ മധ്യവയസ്കയെ വീട്ടിനുള്ളില് മരിച്ച നിലയില് കണ്ടെത്തി. ടിവി ഓൺ ചെയ്ത നിലയിൽ കസേരയിൽ ഇരിക്കുന്ന അവസ്ഥയിലായിരുന്നു മൃതദേഹം. ദുർഗന്ധം വമിച്ചതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.
കോഴിക്കോട്: തമിഴ്നാട് സ്വദേശിനിയായ മധ്യവയസ്കയെ വീട്ടിനുള്ളില് മരിച്ച നിലയില് കണ്ടെത്തി. കോഴിക്കോട് നരിക്കുനി നെടിയനാട് താമസിക്കുന്ന കണ്ണിപ്പൊയില് മല്ലിക(50)യുടെ മൃതദേഹമാണ് കണ്ടെത്തിയത്. വര്ഷങ്ങള്ക്ക് മുന്പാണ് ഇവര് തമിഴ്നാട്ടില് നിന്നും കോഴിക്കോട്ടെത്തിയതെന്ന് നാട്ടുകാര് പറയുന്നു. കസേരയില് ഇരിക്കുന്ന നിലയിലാണ് മൃതദേഹം ഉണ്ടായിരുന്നത്. കൈയ്യില് ടി വിയുടെ റിമോട്ട് കണ്ട്രോള് ഉണ്ടായിരുന്നു. ടി വി ഓൺ ചെയ്ത നിലയിലായിരുന്നു. ദുര്ഗന്ധം പരന്നതോടെ സമീപത്തുള്ളവര് പരിശോധിച്ചപ്പോഴാണ് വിവരം പുറത്തറിയുന്നത്. മൃതദേഹത്തിന് മൂന്ന് ദിവസത്തോളം പഴക്കമുണ്ടെന്നാണ് പ്രാഥമിക നിഗമനം. മല്ലികയുടെ ഭര്ത്താവ് കൃഷ്ണനും അമ്മയും നേരത്തേ മരണപ്പെട്ടിരുന്നു. ഇവര്ക്ക് ഒരു മകനുണ്ട്. പൊലീസ് സ്ഥലത്തെത്തി തുടര് നടപടികള് സ്വീകരിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam