പത്തനംതിട്ടയില്‍ പ്രായപൂര്‍ത്തിയാകാത്ത ആദിവാസി പെൺകുട്ടിയെ ഒന്നിലധികംപേർ പീഡിപ്പിച്ചതായി പരാതി

പെൺകുട്ടി സ്ഥിരമായി ക്ലാസിൽ വരാതിരിക്കുന്നതായി സ്കൂൾ അധികൃതർ ചൈൽഡ് ലൈൻ പ്രവർത്തകരെ വിവരമറിയിച്ചിരുന്നു. തുടർന്ന് നടത്തിയ അന്വേഷണത്തിന്റെ അടിസ്ഥാനത്തിൽ ചൈൽഡ് ലൈൻ പ്രവർത്തകരാണ് വെച്ചൂച്ചിറ പൊലീസിൽ പരാതി നൽകിയത്

വെച്ചൂച്ചിറ: പത്തനംതിട്ട വെച്ചൂച്ചിറയിൽ പന്ത്രണ്ടു വയസുകാരിയായ ആദിവാസി പെൺകുട്ടിയെ ഒന്നിലധികംപേർ പീഡിപ്പിച്ചതായി പരാതി. പെൺകുട്ടി സ്ഥിരമായി ക്ലാസിൽ വരാതിരിക്കുന്നതായി സ്കൂൾ അധികൃതർ ചൈൽഡ് ലൈൻ പ്രവർത്തകരെ വിവരമറിയിച്ചിരുന്നു.

തുടർന്ന് നടത്തിയ അന്വേഷണത്തിന്റെ അടിസ്ഥാനത്തിൽ ചൈൽഡ് ലൈൻ പ്രവർത്തകരാണ് വെച്ചൂച്ചിറ പൊലീസിൽ പരാതി നൽകിയത്. ഫോണിലൂടെ സൗഹൃദം സ്ഥാപിച്ചശേഷം വിളിച്ചു വരുത്തി പല സ്ഥലത്തുവച്ച് പീഡിപ്പിച്ചുവെന്നാണ് പരാതി. ഇന്നലെ രാത്രിയിൽ ലഭിച്ച പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത് തിരുവല്ല ഡിവൈ എസ് പിയുടെ നേതൃത്വത്തിൽ അന്വേഷണം ആരംഭിച്ചു.

പെൺകുട്ടിയുടെ മൊഴി രേഖപ്പെടുത്തുന്നതിനും വൈദ്യപരിശോധനക്കുമുള്ള നടപടികൾ പുരോഗമിക്കുകയാണെന്ന് പൊലീസ് വ്യക്തമാക്കി. കേസിന്റെ അന്വേഷണവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിൽ എടുത്തിട്ടുണ്ട്.