മുത്തശ്ശിയുടെ വീട്ടിലേക്ക് പുറപ്പെട്ട ഗോത്ര ബാലികയെ തട്ടിക്കൊണ്ട് പോയ പീഡനം, 20കാരൻ അറസ്റ്റിൽ
Synopsis
നവംബര് മൂന്നിന് ഉച്ചയോടെ മുത്തശ്ശിയുടെ വീട്ടില് പോകാന് ബത്തേരി ബസ് സ്റ്റാന്ഡില് നിന്ന കുട്ടിയെ ഇയാള് ഭീഷണിപ്പെടുത്തി ബസില് കയറ്റി തമിഴ്നാട്ടിൽ എത്തിക്കുകയായിരുന്നു
സുല്ത്താന് ബത്തേരി: ഗോത്രവിഭാഗത്തില്പ്പെട്ട പ്രായപൂര്ത്തിയാവാത്ത പെണ്കുട്ടിയെ ഭീഷണിപ്പെടുത്തി തട്ടിക്കൊണ്ടുപോയി തമിഴ്നാട്ടിലെത്തിച്ച് ലൈംഗിക അതിക്രമം നടത്തിയെന്ന പരാതിയില് ഇരുപതുകാരന് പിടിയില്. തമിഴ്നാട് ദേവര്ഷോല ചമ്പകൊല്ലി ഉന്നതിയിലെ കുമാര് എന്ന അച്ചു(20)വിനെയാണ് ബത്തേരി പൊലീസ് അറസ്റ്റ് ചെയ്തത്. നവംബര് മൂന്നിന് ഉച്ചയോടെ മുത്തശ്ശിയുടെ വീട്ടില് പോകാന് ബത്തേരി ബസ് സ്റ്റാന്ഡില് നിന്ന കുട്ടിയെ ഇയാള് ഭീഷണിപ്പെടുത്തി ബസില് കയറ്റി തമിഴ്നാട്ടിൽ എത്തിക്കുകയായിരുന്നു. ഏഴാം തീയതി കുമാര് വീട്ടിലില്ലാത്ത സമയത്ത് പെണ്കുട്ടി രക്ഷപ്പെടുകയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. ബത്തേരി ഡിവൈഎസ്പി. കെ.ജെ ജോണ്സന്റെ നിര്ദേശപ്രകാരം ഇന്സ്പെക്ടര് എസ്എച്ച്ഒ ശ്രീകാന്ത് എസ് നായരുടെ നേതൃത്വത്തിലാണ് യുവാവിനെ പിടികൂടിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam