ലോഡ്ജിൽ അതിക്രമിച്ച് കയറി,ഭി​ന്ന​ശേ​ഷി​ക്കാ​ര​ന്‍റെ ബാഗ് തട്ടിപ്പറിച്ച് പണവും മൊബൈലും കവർന്നു, അറസ്റ്റ്

ലോ​ഡ്​​ജി​ലെ താ​മ​സ​ക്കാ​ര​നാ​യ ഭി​ന്ന​ശേ​ഷി​ക്കാ​ര​ന്‍റെ പ​ണ​വും മൊ​ബൈ​ൽ ഫോ​ണും കവ​ർ​ന്ന പ്ര​തി​ക​ൾ അ​റ​സ്റ്റി​ൽ

മാ​വേ​ലി​ക്ക​ര: ലോ​ഡ്​​ജി​ലെ താ​മ​സ​ക്കാ​ര​നാ​യ ഭി​ന്ന​ശേ​ഷി​ക്കാ​ര​ന്‍റെ പ​ണ​വും മൊ​ബൈ​ൽ ഫോ​ണും കവ​ർ​ന്ന പ്ര​തി​ക​ൾ അ​റ​സ്റ്റി​ൽ. മാ​വേ​ലി​ക്ക​ര പു​തി​യ​കാ​വ് കു​ള​ത്തി​​ന്‍റെ ക​ര​യി​ൽ വീ​ട്ടി​ൽ ബാ​ബു​ക്കു​ട്ട​ൻ എ​ന്ന രാ​ജേ​ന്ദ്ര​പ്ര​സാ​ദ് (57), പ​ത്തി​യൂ​ർ എ​രു​വ പു​ത്ത​ൻ ക​ണ്ട​ത്തി​ൽ വീ​ട്ടി​ൽ പു​ൽ​ച്ചാ​ടി എ​ന്ന വി​ഷ്ണു (30) എ​ന്നി​വ​രെ​യാ​ണ് മാ​വേ​ലി​ക്ക​ര പൊ​ലീ​സ് ഇ​ൻ​സ്പെ​ക്ട​ർ സി. ​ശ്രീ​ജി​ത്തി​ന്‍റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്. 

മാ​വേ​ലി​ക്ക​ര പ്രൈ​വ​റ്റ് ബ​സ്​​ സ്റ്റാ​ൻ​ഡി​നു സ​മീ​പ​മു​ള്ള ലോ​ഡ്ജി​ൽ വെ​ള്ളി​യാ​ഴ്ച രാ​വി​ലെ ഏ​ഴോ​ടെ അ​തി​ക്ര​മി​ച്ചു ക​ട​ന്ന ഇ​വ​ർ മു​റി​യി​ലു​ണ്ടാ​യി​രു​ന്ന  യു​വാ​വി​ന്‍റെ ബാ​ഗ് ത​ട്ടി​പ്പ​റി​ച്ച് 19,000 രൂ​പ​യും മൊ​ബൈ​ൽ ഫോ​ണു​മാ​യി ക​ട​ന്നു​ക​ളയു​ക​യാ​യി​രു​ന്നു. വെ​ള്ളി​യാ​ഴ്ച രാ​ത്രി പ​ത്തോ​ടെ​യാ​ണ് പ്ര​തി​ക​ളെ ക​സ്റ്റ​ഡി​യി​ൽ എ​ടു​ത്ത​ത്. മൊ​ബൈ​ൽ ഫോ​ണും ക​ണ്ടെ​ടു​ത്തു. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

അതേസമയം, തൃശ്ശൂരിലെ തീരദേശത്തെ ആരാധനാലയങ്ങള്‍ കേന്ദ്രീകരിച്ച് മോഷണം നടത്തുന്നയാളെ കയ്പമംഗലം പൊലീസ് അറസ്റ്റ് ചെയ്തു. കൂരിക്കുഴി സ്വദേശി രഞ്ജിത്താണ് അറസ്റ്റിലായത്.  കഴിഞ്ഞ മാസം 28ന് കമ്പനിക്കടവ് ഭഗവതി ക്ഷേത്രത്തിലെ ഭണ്ഡാരം കുത്തിത്തുറന്ന് ഇരുപതിനായിരത്തോളം രൂപ പ്രതി കവർന്നിരുന്നു. സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് രഞ്ജിത്തിനെ പൊലീസ് പിടികൂടിയത്. മോഷ്ടിച്ച് കിട്ടുന്ന പണം ഇയാള്‍ ആഢംബര ജീവിതത്തിനായി ഉപയോഗിക്കുകയായിരുന്നു പതിവ്. പണം തീരുമ്പോള്‍ വീണ്ടും മോഷ്ടിക്കാനിറങ്ങും. മോഷണം നടത്താൻ ഉദ്ദേശിക്കുന്ന മേഖലയിൽ പകൽ ആക്രി പെറുക്കാൻ നടന്ന് രാത്രി സമയങ്ങളിലാണ് പ്രതി മോഷണത്തിന് ഇറങ്ങുന്നതെന്ന് പൊലീസ് പറയുന്നു. 

കഴിഞ്ഞ ദിവസം കോഴിക്കോട് ഗോവിന്ദപുരം പാര്‍ത്ഥ സാരഥി ക്ഷേത്രത്തിലും വന്‍ മോഷണം നടന്നിരുന്നു. ക്ഷേത്രത്തിലെ ഏഴ് ഭണ്ഡാരങ്ങളാണ് മോഷ്ടാവ് കുത്തിത്തുറന്നു. ശ്രീകോവില്‍ പൂട്ട് തകര്‍ക്കാന്‍ ശ്രമിച്ചെങ്കിലും കഴിഞ്ഞില്ല. ചുറ്റമ്പലത്തിന് അകത്തെ അഞ്ചും പുറത്തെ രണ്ടും ഭണ്ഡാരങ്ങളാണ് മോഷ്ടാവ് കുത്തി തുറന്നത്.