സദാചാര പൊലീസ്; കായംകുളത്ത് ദമ്പതികള്ക്ക് മര്ദ്ദനം
Synopsis
ഇന്ന് വൈകിട്ട് ആറോടെ അച്ചന്കോവിലാറിന്റെ തീരത്തു കണ്ടിയൂര് കടവിലാണു സംഭവം.
മാവേലിക്കര: സദാചാര പൊലീസ് ചമഞ്ഞ യുവാക്കളുടെ സംഘം ദമ്പതികളെ കയ്യേറ്റം ചെയ്തു. പരുക്കേറ്റ ദമ്പതികള് ആശുപത്രിയില്. കായംകുളം മുതുകുളം തെക്ക് ശിവഭവന് ശിവപ്രസാദ് (31), ഭാര്യ സംഗീത (25) എന്നിവരാണു കണ്ടിയൂരിലെ സ്വകാര്യ ആശുപത്രിയില് ചികിത്സയിലുള്ളത്. ഇന്ന് വൈകിട്ട് ആറോടെ അച്ചന്കോവിലാറിന്റെ തീരത്തു കണ്ടിയൂര് കടവിലാണു സംഭവം.
വിദേശത്തു ജോലിയുള്ള ശിവപ്രസാദ് ഭാര്യക്കും ഭാര്യാ സഹോദരന് അഭിജിത്തിനുമൊപ്പം ടിക്കറ്റ് സംബന്ധിച്ച കാര്യത്തിനായി മാവേലിക്കരയിലെത്തി. ടിക്കറ്റ് ലഭിക്കാന് വൈകുമെന്നറിഞ്ഞ മൂവരും കണ്ടിയൂര് കടവിലെത്തി. കടവില് ഉണ്ടായിരുന്ന ഒരാള് സദാചാര പൊലീസ് ചമഞ്ഞു ശിവപ്രസാദുമായി വാക്കുതര്ക്കം ഉണ്ടായി. ഇയാള് അറിയിച്ചതിനുസരിച്ചു സ്ഥലത്തെത്തിയ യുവാക്കള് ശിവപ്രസാദിനെയും ഭാര്യയേയും മര്ദിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam