രോഗിയുമായി പോയ 108 ആംബുലൻസിൽ നിന്ന് നഴ്സ് തെറിച്ചു വീണു

ഞായറാഴ്ച രാവിലെ 11.45 ഓടെ തിരൂർ ഭാഗത്ത്‌ നിന്ന് മലപ്പുറം ഭാഗത്തേക്ക്‌ പോകുകയായിരുന്ന ആംബുലൻസിൽ നിന്നാണ് നഴ്സ് തെറിച്ചു വീണത്. സ്ഥിരം അപകടമേഖലയ കുറ്റിപ്പാല വളവിൽ വെച്ച് നഴ്‌സ് വീഴുകയായിരുന്നു.

കോട്ടക്കൽ: രോഗിയുമായി പോവുകയായിരുന്ന 108 ആംബുലൻസിൽ നിന്ന് തെറിച്ചു വീണ നഴ്സിന് പരിക്ക്. തലക്ക് പരിക്കേറ്റ നിത്യ എന്ന നഴ്സിനെ മഞ്ചേരി മെഡിക്കൽ കോളേജിൽ പ്രവേശിപ്പിച്ചു.  കോട്ടയ്ക്കലിനടുത്ത് കുറ്റിപ്പാലയിലാണ് സംഭവം.

ഞായറാഴ്ച രാവിലെ 11.45 ഓടെ തിരൂർ ഭാഗത്ത്‌ നിന്ന് മലപ്പുറം ഭാഗത്തേക്ക്‌ പോകുകയായിരുന്ന ആംബുലൻസിൽ നിന്നാണ് നഴ്സ് തെറിച്ചു വീണത്. സ്ഥിരം അപകടമേഖലയ കുറ്റിപ്പാല വളവിൽ വെച്ച് നഴ്‌സ് വീഴുകയായിരുന്നു. മുൻ വശത്തെ സീറ്റിലായിരുന്നു ഇവർ ഇരുന്നത്. ഉടൻ തന്നെ ഇതേ ആംബുലൻസിൽ ഇവരെ മഞ്ചേരി മെഡിക്കൽ കോളേജിൽ എത്തിച്ചു.