നിയന്ത്രണം വിട്ടെത്തിയ കാര്‍ വിദ്യാര്‍ഥികളുമായി മദ്രസയിലേക്ക് പോവുകയായിരുന്ന ഓട്ടോറിക്ഷക്ക് പിറകിലും ഇടിച്ചു.
പാലക്കാട്: പാലക്കാട് മേപറമ്പ് രണ്ടാംമൈലില്‍ നിയന്ത്രണം വിട്ട കാര്‍ ഇടിച്ച് ഒരാള്‍ മരിച്ചു. വിദ്യാര്‍ഥികള്‍ ഉള്‍പ്പെടെ എട്ട് പേര്‍ക്ക് പരിക്കേറ്റു. രണ്ടാംമൈല്‍ സ്വദേശി സീനത്താണ് മരിച്ചത്. പുലര്‍ച്ചെ ആറരയോടെയാണ് സംഭവം.
റോഡരികില്‍ നില്‍ക്കുകയായിരുന്ന ഇവരെ നിയന്ത്രണം വിട്ടെത്തിയ കാര്‍ ഇടിച്ച് തെറുപ്പിക്കുകയായിരുന്നു. വൈദ്യുതി പോസ്റ്റിലിടിച്ച് മുന്നോട്ട് പോയ കാര്‍ മീന്‍വാങ്ങാനായി നിന്നവരെയും ഇടിച്ച് തെറിപ്പിച്ചു. വിദ്യാര്‍ഥികളുമായി മദ്രസയിലേക്ക് പോവുകയായിരുന്ന ഓട്ടോറിക്ഷക്ക് പിറകിലും കാര്‍ ഇടിച്ചു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.