കൊല്ലത്ത് നിന്ന് എംഡിഎംഎ പിടികൂടിയ കേസ്; ഒരാള്‍ കൂടി അറസ്റ്റിൽ, പിടികൂടിയത് പാലക്കാട് നിന്ന്

കൊല്ലം നഗരത്തിൽ നടന്ന 90 ഗ്രാം എംഡിഎംഎ വേട്ടയിൽ ഒരു പ്രതികൂടി പിടിയിൽ. പള്ളിമുക്ക് സ്വദേശി റാസിക്കിനെയാണ് പാലക്കാട് നിന്ന് പിടികൂടിയത്

കൊല്ലം:കൊല്ലം നഗരത്തിൽ നടന്ന 90 ഗ്രാം എംഡിഎംഎ വേട്ടയിൽ ഒരു പ്രതികൂടി പിടിയിൽ. പള്ളിമുക്ക് സ്വദേശി റാസിക്കിനെയാണ് പാലക്കാട് നിന്ന് പിടികൂടിയത്. കേസിൽ അറസ്റ്റിലാകുന്ന മൂന്നാമത്തെ പ്രതിയാണ് റാസിക്. സിറ്റി പൊലീസ് കമീഷണറുടെ ഷാഡോ ടീം പാലക്കാടെത്തി പ്രതിയെ പിടികൂടുകയായിരുന്നു. ഈ വർഷം സിറ്റി പരിധിയിൽ നടന്ന ഏറ്റവും വലിയ എംഡിഎംഎ വേട്ടയായിരുന്നു 11ആം തീയതി രാത്രി മാടൻനടയിൽ നടന്നത്. ഉമയനല്ലൂർ സ്വദേശി ഷിജു, പള്ളിമുക്ക് സ്വദേശി അസീംഖാൻ എന്നിവരാണ് നേരത്തെ പിടിയിലായ പ്രതികൾ. ദില്ലിയിൽ നിന്ന് വിൽപ്പനയ്ക്കുവേണ്ടി പ്രതികൾ കൊല്ലത്ത് എംഡിഎംഎ എത്തിക്കുകയായിരുന്നു.