ഇടുക്കി, കോട്ടയം ജില്ലകളിൽ ഇന്ന് മൂന്ന് മണിക്കൂർ ഓറഞ്ച് അലർട്ട്, കിഴക്കൻ മേഖലയിൽ കനത്ത മഴ

പാലാ, ഭരണങ്ങാനം മേഖലകളിലും ശക്തമായ മഴ. തീക്കോയി മേഖലയിൽ മീനച്ചിലാറ്റിൽ ജലനിരപ്പ് ഉയർന്നു

കോട്ടയം: സംസ്ഥാനത്ത് മഴ കനക്കുന്നു. അടുത്ത മൂന്ന് മണിക്കൂർ നേരത്തേക്ക് ഇടുക്കി കോട്ടയം ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു. ഇവിടെ തീവ്ര മഴയ്ക്ക് സാധ്യതയുണ്ട്.മണിക്കൂറിൽ നാൽപ്പത് കിലോമീറ്റർ വേഗത്തിൽ ശക്തമായ കാറ്റ് വീശാനും സാധ്യതയുണ്ട്. ഏഴ് ജില്ലകളിലാണ് കാലാവസ്ഥാ കേന്ദ്രം ഇന്ന് മഞ്ഞ അലർട്ട് പ്രഖ്യാപിച്ചത്. ഇടുക്കിയും കോട്ടയവും കൂടാതെ കണ്ണൂർ, വയനാട്, എറണാകുളം, പത്തനംതിട്ട, തിരുവനന്തപുരം ജില്ലകളിലാണ് മഴ മുന്നറിയിപ്പ്.ബംഗാൾ ഉൾക്കടലിലെ ന്യൂനമർദത്തിന്‍റെ സ്വാധീനഫലമായി സംസ്ഥാനത്ത് ഒറ്റപ്പെട്ട ശക്തമായ മഴ തുടരും.ഇടിമിന്നലിനും സാധ്യതയുണ്ട്.

ഇടുക്കി, കോട്ടയം ജില്ലകളിൽ അടുത്ത മൂന്ന് മണിക്കൂർ ഓറഞ്ച് അലർട്ട്. കോട്ടയം കിഴക്കൻ മേഖലയിൽ കനത്ത മഴ. തീക്കോയി, തലനാട്, പൂഞ്ഞാർ, അടിവാരം, വാഗമൺ മേഖലയിൽ കനത്ത മഴ. പാലാ, ഭരണങ്ങാനം മേഖലകളിലും ശക്തമായ മഴ. തീക്കോയി മേഖലയിൽ മീനച്ചിലാറ്റിൽ ജലനിരപ്പ് ഉയർന്നു. വാഗമൺ ഈരാറ്റുപേട്ട റോഡിൽ ഗതാഗത തടസ്സം നേരിട്ടു. നദിയിൽ കലങ്ങിമറിഞ്ഞ വെള്ളമാണ്. വനമേഖലയിൽ മണ്ണിടിച്ചിലുണ്ടായോ എന്ന് സംശയമുണ്ട്.

ഏഷ്യാനെറ്റ് ന്യൂസ് ലൈവ് കാണാം