പത്തനംതിട്ട ജനറൽ ആശുപത്രിയുടെ പുതിയ ബ്ലോക്ക് നിലവാരം ഉറപ്പാക്കിയുള്ള നിർമ്മാണം സാധിച്ചില്ലെന്ന് എൻജിനീയറുടെ തുറന്ന് പറച്ചിൽ

ഫയലുകൾ ഹാജരാക്കാൻ ജില്ലാ പഞ്ചായത്ത് പ്രസിഡന്റ് നിർദ്ദേശം നൽകി. എല്ലാ കണക്കുകളും ഓഡിറ്റ് ചെയ്യും. ഭിത്തി കെട്ടി തൊട്ടു പിന്നാലെ സിമൻറ് പൂശലും നടത്തുന്നതിനെതിരെ കോൺഗ്രസ് അന്ന് പ്രതിഷേധിച്ചിരുന്നു.

പത്തനംതിട്ട: പത്തനംതിട്ട ജനറൽ ആശുപത്രിയുടെ പുതിയ ബ്ലോക്ക് നിർമ്മാണത്തെക്കുറിച്ചാണ് എച്ച്എംസി യോഗത്തിൽ എൻജിനീയറുടെ തുറന്നുപറച്ചിൽ. തെരഞ്ഞെടുപ്പിന് മുന്നേ ധൃതിപിടിച്ച് ഉദ്ഘാടനം ചെയ്യാൻ ഉന്നതങ്ങളിൽ നിന്ന് സമ്മർദ്ദമുണ്ടായതായി കിറ്റ്കോ എൻജിനീയർ സമ്മതിച്ചതായി എച്ച്എംസി അം​ഗം നഹാസ് പത്തനംതിട്ട ഏഷ്യാനെറ്റ് ന്യൂസിനോട് പറഞ്ഞു. എൻജിനീയറുടെ തുറന്നുപറച്ചിലിന് പിന്നാലെ, ഇതുവരെയുള്ള എല്ലാ നിർമ്മാണ പ്രവർത്തികളും പരിശോധിക്കാൻ ആറന്മുള എംഎൽഎ അബിൻ വർക്കിയുടെ നിർദേശം നൽകി. ഫയലുകൾ ഹാജരാക്കാൻ ജില്ലാ പഞ്ചായത്ത് പ്രസിഡന്റ് നിർദ്ദേശം നൽകി. എല്ലാ കണക്കുകളും ഓഡിറ്റ് ചെയ്യും. ഭിത്തി കെട്ടി തൊട്ടു പിന്നാലെ സിമൻറ് പൂശലും നടത്തുന്നതിനെതിരെ കോൺഗ്രസ് അന്ന് പ്രതിഷേധിച്ചിരുന്നു.