ബത്തേരി സ്വദേശിയുടെ പിക്കപ്പ് വാന് മോഷ്ടിച്ച് വിറ്റു; തമിഴ്നാട് സ്വദേശിയടക്കം മൂന്നുപേർ പിടിയിൽ
Synopsis
സുല്ത്താന്ബത്തേരി സ്വദേശിയുടെ പിക്കപ്പ് വാന് മോഷ്ടിച്ച് തമിഴ്നാട്ടില് വില്പ്പന നടത്തിയ കേസിലെ പ്രതികളെ പിടികൂടി.
കല്പ്പറ്റ: സുല്ത്താന്ബത്തേരി സ്വദേശിയുടെ പിക്കപ്പ് വാന് മോഷ്ടിച്ച് തമിഴ്നാട്ടില് വില്പ്പന നടത്തിയ കേസിലെ പ്രതികളെ പിടികൂടി. മലപ്പുറം സ്വദേശികളായ അങ്ങാടിപ്പുറം പള്ളിപ്പുറം വീട്ടില് മുഹമ്മദലി (43), തേലക്കാട് തളിയില് രത്നകുമാര് (42), തമിഴ്നാട് ചേരമ്പാടി മഞ്ഞംപ്രിയത്തില് നസീര് (55) എന്നിവരെയാണ് ബത്തേരി പോലീസ് അറസ്റ്റ് ചെയ്തത്.
രണ്ടുമാസം മുമ്പാണ് കേസിനാസ്പദമായ സംഭവം. ബത്തേരി റഹ്മത്ത് നഗര് സ്വദേശിയായ ജിനീഷിന്റെ പേരിലുള്ള വാഹനമാണ് മോഷ്ടിച്ചത്. ഇത് തമിഴ്നാട്ടില് കൊണ്ടുപോയി വിറ്റെന്നാണ് പ്രതികള് പോലീസിന് നല്കിയ മൊഴി.
മുഹമ്മദലിയും രത്നകുമാറും അഗളിയില് തോട്ടത്തില് ജോലി ചെയ്തുവരവെയാണ് പിടിയിലായത്. നസീറിനെ പെരിന്തല്മണ്ണയില് നിന്നാണ് പിടികൂടിയത്. മൂവരും മുമ്പ് കഞ്ചാവ്കേസില് പ്രതികളായവരാണെന്നും പോലീസ് പറഞ്ഞു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam