റാഗിങ് എതിർത്തു, പ്ലസ് വൺ വിദ്യാർത്ഥിയെ ശുചിമുറിയിലിട്ട് മർദിച്ചു പ്ലസ് ടു വിദ്യാർത്ഥികൾ; സംഭവം എറണാകുളത്തെ സ്കൂളിൽ

എറണാകുളത്ത് റാഗിങ് എതിർത്തതിൽ മർദനം. പ്ലസ് ടു വിദ്യാർത്ഥികൾ ചേർന്ന് പ്ലസ് വൺ വിദ്യാർത്ഥിയെ മർദിച്ചു. കിഴില്ലം സെൻ്റ് തോമസ് സ്കൂളിലാണ് സംഭവം. 16കാരനെ ശുചിമുറിയിലിട്ട് മർദിക്കുകയായിരുന്നു.

കൊച്ചി: എറണാകുളത്ത് പ്ലസ് വൺ വിദ്യാർത്ഥിക്ക് മർദനം. റാഗിങ് എതിർത്തതിനെ തുടർന്ന് പ്ലസ് ടു വിദ്യാർത്ഥികളാണ് ആക്രമണം നടത്തിയത്. ഇരുപതോളം കുട്ടികൾ ചേർന്ന് 16കാരനെ ശുചിമുറിയിലിട്ട് മർദിക്കുകയായിരുന്നു. കിഴില്ലം സെൻ്റ് തോമസ് സ്കൂളിലാണ് ആക്രമണം നടന്നത്. മർദനമേറ്റ കുട്ടിയുടെ മാതാപിതാക്കൾ കുറുപ്പുംപടി പൊലീസിൽ പരാതി നൽകി.