ആ നിറഞ്ഞ സ്നേഹത്തിന് സമ്മാനവുമായി ഇഷയെ കാണാന്‍ പൊലീസെത്തി

വിദ്യാർത്ഥിനിയെ സ്റ്റേഷനിലെ പ്രവർത്തനങ്ങളെ കുറിച്ച് പഠിക്കാൻ സ്റ്റേഷനിലേക്ക് ക്ഷണിക്കാനും പൊലീസ് മറന്നില്ല

വളാഞ്ചേരി: കൊവിഡ് പ്രതിരോധ പ്രവർത്തനങ്ങൾക്ക് രാവും പകലും ഊണും ഉറക്കവുമില്ലാതെ കഷ്ടപ്പെടുന്ന പൊലീസുകാരെ അഭിനന്ദിച്ച് കത്തെഴുതിയ രണ്ടാം ക്ലാസുകാരിക്ക് സമ്മാനവുമായി പൊലീസെത്തി. ഇഷ മെഹ്‌റിൻ നാലകത്താണ് കത്തെഴുതിയത്. കത്ത് കിട്ടിയ ഉടനെ വളാഞ്ചേരി പൊലീസ് എസ്എച്ച്ഒ എം കെ ഷാജിയുടെ നേതൃത്വത്തിൽ പൊലീസ് സംഘം കത്തയച്ച വിദ്യാർത്ഥിനിയെ അഭിനന്ദിക്കാൻ വീട്ടിലെത്തുകയായിരുന്നു.

വിദ്യാർത്ഥിനിയെ സ്റ്റേഷനിലെ പ്രവർത്തനങ്ങളെ കുറിച്ച് പഠിക്കാൻ സ്റ്റേഷനിലേക്ക് ക്ഷണിക്കാനും പൊലീസ് മറന്നില്ല. തപാൽ വകുപ്പ് നടപ്പിലാക്കിയ കൊവിഡിനെ പ്രതിരോധിക്കുന്ന പോരാളികൾക്ക് കത്തെഴുതൂ എന്ന പദ്ധതിയിൽ ഉൾപ്പെടുത്തിയാണ് ഇഷ വളാഞ്ചേരി പൊലീസിന് കത്തെഴുതിയത്.