കിണറ്റിൽ വീണ വൃദ്ധയ്ക്ക് രക്ഷകരായി പൊലീസ്; ഗുഡ് സർവീസ് എൻട്രി നൽകി ആദരം

കൊച്ചിയിൽ കിണറ്റിൽ അബദ്ധത്തിൽ വീണ 85 വയസ്സുകാരിയായ ചന്ദ്രമതിയെ ആലുവ വെസ്റ്റ് പൊലീസ് ഉദ്യോഗസ്ഥർ രക്ഷപ്പെടുത്തി. സമയോചിതമായ ഇടപെടൽ നടത്തിയ ഉദ്യോഗസ്ഥരെ ജില്ലാ പൊലീസ് മേധാവി ഗുഡ് സർവീസ് എൻട്രി നൽകി അനുമോദിച്ചു.

കൊച്ചി: കിണറ്റിൽ വീണ വൃദ്ധയെ രക്ഷിച്ച പൊലീസ് ഉദ്യോഗസ്ഥർക്ക് ജില്ലാ പൊലീസ് മേധാവിയുടെ അനുമോദനം. തട്ടാംപടി സ്വദേശിനിയായ മാമ്പിള്ളി പറമ്പിൽ ചന്ദ്രമതി (85)യാണ് അബദ്ധത്തിൽ കിണറ്റിൽ വീണത്. വിവരമറിഞ്ഞ ആലുവ വെസ്റ്റ് പൊലീസ് ഉടൻ സ്ഥലത്തെത്തി കരയ്ക്ക് കയറ്റുകയായിരുന്നു.

പൊലീസിൻറെ സമയോചിതമായ ഇടപെടലാണ് രക്ഷയായത്. പൊലീസ് ഉദ്യോഗസ്ഥരായ ഷാരോ, ലെനീഷ്, അബ്ദുൽ ഖാദർ, സുജിത്ത് എന്നിവരാണ് കിണറ്റിൽ ഇറങ്ങി രക്ഷപ്പെടുത്തിയത്. ആലുവ വെസ്റ്റ് പൊലീസ് സ്റ്റേഷനിലെ സിവിൽ പൊലീസ് ഓഫീസർമാരായ വി എസ് ലനീഷ്, കെ കെ സുജിത്ത്, കെ ബി അബ്ദുൾ ഖാദർ , കെ ജെ ഷാരൊ എന്നിവരെയാണ് ജില്ലാ പൊലീസ് മേധാവി കെ എസ് സുദർശൻ ഗുഡ് സർവീസ് എൻട്രി നൽകി അനുമോദിച്ചത്. ജില്ലാ പൊലീസ് ആസ്ഥാനത്ത് നടന്ന അനുമോദന ചടങ്ങിൽ പെരുമ്പാവൂർ എ എസ് പി ഹാർദ്ദിക് മീണയും സന്നിഹിതരായിരുന്നു.