അർധരാത്രിയിൽ പുഴയിൽ ചാടി ആത്മഹത്യ ചെയ്യാൻ ശ്രമം, യുവതിയെയും കുട്ടികളെയും പിന്തിരിപ്പിച്ച് പൊലീസ്

മലപ്പുറം പെരിന്തൽമണ്ണയിൽ പുഴയിൽ ചാടി ആത്മഹത്യ ചെയ്യാൻ ശ്രമിച്ച യുവതിയെയും കുട്ടികളെയും പിന്തിരിപ്പിച്ച് പൊലീസ്. പെരിന്തൽമണ്ണ സിഐയുടെ നേതൃത്വത്തിലുള്ള സംഘമാണ് കുടുംബത്തെ രക്ഷിച്ചത്.

മലപ്പുറം: അർധരാത്രി പുഴയിൽ ചാടി ആത്മഹത്യ ചെയ്യാൻ ശ്രമിച്ച യുവതിയെയും കുട്ടികളെയും രക്ഷിച്ച് പൊലീസ്. പെരിന്തൽമണ്ണ സിഐയുടെ നേതൃത്വത്തിലുള്ള സംഘമാണ് പാലത്തിന്റെ മുകളിൽ നിന്ന് ചാടാൻ നിന്ന യുവതിയെ പിന്തിരിപ്പിച്ച് മടക്കി അയച്ചത്. പട്രോളിംഗിനിടയിലാണ് പെരിന്തൽമണ്ണ സിഐ യുവതിയെയും കുട്ടികളെയും കണ്ടത്. യുവതിയുമായി ഭർത്താവ് അകന്ന് കഴിയുന്നതിന്റെ മനോവിഷമത്തിലാണ് ജീവനൊടുക്കാൻ തീരുമാനിച്ചത്. യുവതിയെ പറഞ്ഞ് മനസിലാക്കി വാടക ക്വാർട്ടേഴ്സിൽ തിരികെയെത്തിച്ചാണ് പൊലീസ് മടങ്ങിയത്.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)