കണ്ണൂരിൽ നിന്ന് ഉഗ്രശേഷിയുള്ള സ്റ്റീൽ ബോംബുകൾ കണ്ടെടുത്തു

ലോക് സഭ തെരഞ്ഞെടുപ്പുമായി ബന്ധപ്പെട്ട് വരും ദിവസങ്ങളിലും റെയ്ഡ് തുടരുമെന്ന് വളപട്ടണം പൊലീസ് 

കണ്ണൂർ: അഴീക്കോട് കാപ്പിലെ പീടികയിൽ നിന്ന് ബോംബും ഇരുമ്പ് ദണ്ഡുകളും കണ്ടെടുത്തു. ഉഗ്രശേഷിയുളള  സ്റ്റീൽ ബോംബുകളും ഒരു ബോട്ടിൽ ബോംബും നാല് ഇരുമ്പ് പൈപ്പുകളുമാണ് ആളൊഴിഞ്ഞ പറമ്പിൽ നിന്നും കണ്ടെടുത്തത്. 

വളപട്ടണം പൊലീസും  ബോംബ് സ്ക്വാഡും ചേർന്ന് നടത്തിയ പരിശോധനയിലാണ് ഇവ കണ്ടെടുത്തത്. ലോക് സഭ തെരഞ്ഞെടുപ്പുമായി ബന്ധപ്പെട്ട് വരും ദിവസങ്ങളിലും റെയ്ഡ് തുടരുമെന്ന് വളപട്ടണം പൊലീസ് അറിയിച്ചു.