തിരുവനന്തപുരം ടെക്നോപാർക്കിൽ 'പ്രതിധ്വനി'യുടെ പ്രതിഷേധം, ഐടി മേഖലയിലെ കൂട്ടപ്പിരിച്ചുവിടലിനെതിരെ ജീവനക്കാർ

ഐടി മേഖലയിൽ വർദ്ധിച്ചുവരുന്ന കൂട്ടപ്പിരിച്ചുവിടലിനെതിരെ തിരുവനന്തപുരം ടെക്നോപാർക്കിൽ ജീവനക്കാരുടെ സംഘടനയായ 'പ്രതിധ്വനി' പ്രതിഷേധിച്ചു. തൊഴിൽ നഷ്ടപ്പെടുന്നവർക്ക് അർഹമായ സാമ്പത്തിക പാക്കേജുകളടക്കം ഉറപ്പാക്കണമെന്ന് ആവശ്യം

തിരുവനന്തപുരം: ഐ ടി മേഖലയിൽ വർദ്ധിച്ചുവരുന്ന കൂട്ടപ്പിരിച്ചുവിടലിനെതിരെ തിരുവനന്തപുരം ടെക്നോപാർക്ക് ജീവനക്കാരുടെ സംഘടനയായ 'പ്രതിധ്വനി'യുടെ നേതൃത്വത്തിൽ പ്രതിഷേധിച്ചു. തൊഴിൽ നഷ്ടപ്പെടുന്നവർക്ക് അർഹമായ സാമ്പത്തിക പാക്കേജുകൾ ഉറപ്പാക്കണമെന്നും, എ ഐ അധിഷ്ഠിത നൈപുണ്യ വികസനത്തിനുള്ള സൗകര്യങ്ങൾ കമ്പനികൾ ഒരുക്കണമെന്നും ആവശ്യപ്പെട്ടായിരുന്നു പ്രതിഷേധം. പ്രതിധ്വനി പ്രസിഡന്‍റ് വിഷ്ണു, സെക്രട്ടറി രാജീവ് കൃഷ്ണ എന്നിവർ സമരം ഉദ്ഘാടനം ചെയ്തു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം