സ്കൂള് വിദ്യാര്ത്ഥികള് സഞ്ചരിച്ച വാനും സ്കൂട്ടറും കുട്ടിയിച്ചു; രണ്ടു മരണം
Synopsis
സ്കൂള് കുട്ടികളുമായി വന്ന വാന് കാറിനെ മറികടക്കവെ, നിയന്ത്രണം വിട്ടെത്തിയ സ്കൂട്ടര് വാനിന് മുന്നിലേക്ക് വീഴുകയായിരുന്നു.
കായംകുളം: സ്കൂള് കുട്ടികളെ കയറ്റിവന്ന വാനും സ്കൂട്ടറും കുട്ടിയിടിച്ച് സ്കൂട്ടര് യാത്രക്കാരായ രണ്ടു പേര് മരിച്ചു. ദേശീയപാതയില് കൊറ്റുകുളങ്ങര റെയിന്ബോ ഓഡിറ്റോറിയത്തിനു സമീപം ഇന്ന് രാവിലെയാണ് അപകടം നടന്നത്. കൃഷ്ണപുരം കാപ്പില് മേക്കുപുത്തേഴത്ത് രാജു (55), പുള്ളിക്കണക്ക് കാപ്പില്വേക്കു കരിങ്ങാട്ടുശ്ശേരില് ബിജു (38) എന്നിവരാണ് മരിച്ചത്.
ടൈല് പണിക്കാരായ ഇരുവരും കരുവാറ്റയിലെ ജോലി സ്ഥലത്തേക്ക് പോകുകയായിരുന്നു. കരീലകുളങ്ങര ഭാഗത്തു നിന്നും സ്കൂള് കുട്ടികളുമായി വന്ന വാന് കാറിനെ മറികടക്കവെ, നിയന്ത്രണം വിട്ടെത്തിയ സ്കൂട്ടര് സ്കൂള് വാനിന് മുന്നിലേക്ക് വീഴുകയായിരുന്നു. ഇരുവരുടെയും ശരീരത്തിലൂടെ വാന് കയറിയിറങ്ങി. രാജു അപകട സ്ഥലത്ത് വെച്ചും ബിജു ആശുപത്രിയിലുമാണ് മരിച്ചത്. സ്കൂള് കുട്ടികളെ വിദ്യാലയങ്ങളില് എത്തിച്ചശേഷം വാന് പോലീസ് കസ്റ്റഡിയിലെടുത്തു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam