അങ്ങാടിപ്പുറത്ത് ഏഴു വയസ്സുകാരിയെ 60കാരൻ പീഡിപ്പിച്ചതായി പരാതി; പൊലീസ് കേസെടുത്തു

കുട്ടിയുടെ പിതാവും മാതാവും പണിക്കുപോകുന്നതിനാൽ കുട്ടി മാത്രമാണ് വീട്ടിലുണ്ടാകാറെന്നാണ് വിവരം.

അങ്ങാടിപ്പുറം: അങ്ങാടിപ്പുറത്ത് വാടക ക്വാർട്ടേഴ്സിൽ കഴിയുന്ന ഏഴുവയസുകാരിയെ തൊട്ടടുത്ത ക്വാർട്ടേഴ്സിൽ താമസിച്ചിരുന്ന 60കാരൻ പീഡിപ്പിച്ചതായി പരാതി. കുട്ടിയെ കുളിപ്പിക്കുന്നതിനിടെ സംശയം തോന്നിയ മാതാവ് കൂടുതൽ അന്വേഷിച്ചതോടെയാണ് വിവരം പുറത്തറിയുന്നത്. പിന്നാലെ ചൈൽഡ് ലൈനിൽ പരാതി നൽകുകയായിരുന്നു. 

ഇയാൾ പലതവണ കുഞ്ഞിനെ ലൈംഗികമായി പീഡിപ്പിച്ചതായി പരാതിയിൽ പറയുന്നു. ചൈൽഡ് ലൈൻ അറിയിച്ചത് പ്രകാരം കുട്ടിയുടെ മൊഴിയെടുത്ത പെരിന്തൽമണ്ണ പൊലീസ് പോക്സോ അടക്കമുള്ള വകുപ്പുകളിൽ കേസെടുത്ത് അന്വേഷണം തുടങ്ങി. കുട്ടിയുടെ പിതാവും മാതാവും പണിക്കുപോകുന്നതിനാൽ കുട്ടി മാത്രമാണ് വീട്ടിലുണ്ടാകാറെന്നാണ് വിവരം.