കൂട്ടുകാർക്കൊപ്പം പുഴയിൽ കുളിക്കാനിറങ്ങിയ ഏഴാം ക്ലാസുകാരൻ മുങ്ങി മരിച്ചു

കുളത്തിൽ മുങ്ങിത്താഴുന്ന കുട്ടിയെ കണ്ട നാട്ടുകാർ രക്ഷപ്പെടുത്തി കടുങ്ങല്ലൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. 

മലപ്പുറം: കൂട്ടുകാർക്കൊപ്പം പുഴയിൽ കുളിക്കാൻ പോയ പന്ത്രണ്ട് വയസുകാരൻ മുങ്ങി മരിച്ചു. പെരുമ്പറമ്പ് കലിയംകുളം കുട്ടന്റെ മകൻ സജിമോൻ ആണ് മരിച്ചത്. ഇന്നലെ രാവിലെ പതിനൊന്ന് മണിക്ക് മുണ്ടമ്പ്ര തെക്കേ പാട്ട് പഞ്ചായത്ത് കുളത്തിലാണ് അപകടം നടന്നത്. 

കുളത്തിൽ മുങ്ങിത്താഴുന്ന കുട്ടിയെ കണ്ട നാട്ടുകാർ രക്ഷപ്പെടുത്തി കടുങ്ങല്ലൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. അരീക്കോട് ജിഎച്ച്എസ്എസ് സ്കൂളിലെ ഏഴാം ക്ലാസ് വിദ്യാർത്ഥിയാണ് സജിമോൻ.