മൃതദേഹം മാറിയ സംഭവം; സങ്കടക്കടലൊതുക്കി, അ​നു​ഷ അ​ച്ഛ​ന്‍റെ ചി​ത​യ്ക്ക് തീ​കൊ​ളു​ത്തി

ര​ണ്ട് മൃ​ത​ദേ​ഹ​വും നാ​ട്ടി​ലേ​ക്ക്​ അ​യ​ക്കു​ന്ന​തി​ന്‍റെ രേ​ഖ​ക​ൾ ഒ​രു ദി​വ​സ​മാ​ണ് പൂര്‍ത്തിയാക്കിയത്. ഒ​രു ആം​ബു​ല​ൻ​സി​ലാ​ണ് ര​ണ്ട് മൃ​ത​ദേ​ഹ​ങ്ങളും നാട്ടിലെക്കെത്തിക്കാന്‍ വി​മാ​ന​ത്താ​വ​ള​ത്തി​ല്‍ എ​ത്തി​ച്ച​തും. 

കാ​യം​കു​ളം: ക​ട​ലാ​ഴം സ​ങ്ക​ടം ഉ​ള്ളി​ൽ നീ​റ്റ​ലാ​യി നി​റ​യു​മ്പോ​ഴും പൊ​ഴി​ക്കാ​ൻ ഇ​റ്റ്​ ക​ണ്ണീ​രി​ല്ലാ​തെ അ​നു​ഷ അ​ച്ഛ​ന്‍റെ ചി​ത​ക്ക് തീ​കൊ​ളു​ത്തി. സൗ​ദി​യി​ൽ മ​രി​ച്ച വ​ള്ളി​കു​ന്നം കാ​രാ​ഴ്മ ക​ണി​യാ​ൻ വ​യ​ലി​ൽ ഷാ​ജിരാ​ജ​ന്‍റെ (50) മൃ​ത​ദേ​ഹം വീ​ട്ടു​കാ​ർ വെ​ള്ളി​യാ​ഴ്ച സം​സ്ക​രി​ച്ചു. കാ​ർ​ഗോ ക​മ്പ​നി​യു​ടെ വീ​ഴ്ച​മൂ​ലം യു ​പി സ്വ​ദേ​ശി ജാ​വേ​ദ് അ​ഹ​മ്മ​ദ് ഇ​ദ്രീ​സി​യു​ടെ (51) മൃ​ത​ദേ​ഹ​മാ​ണ്​ ഷാ​ജി​യു​ടേ​തെ​ന്ന്​ തെ​റ്റി​ദ്ധ​രി​ച്ച് ആ​ദ്യം സം​സ്ക​രി​ച്ച​ത്.  

ക​ഴി​ഞ്ഞ ജൂ​ലൈ 18 നാ​ണ് ഷാ​ജി​യെ സൗ​ദി​യി​ലെ താ​മ​സ സ്ഥ​ല​ത്ത് മ​രി​ച്ച​ നി​ല​യി​ൽ ക​ണ്ടെ​ത്തി​യ​ത്. എന്നാല്‍, ഷാ​ജി​ക്ക് പ​ക​രം ആ​റ് ദി​വ​സം മു​മ്പ് മ​ര​ണ​പ്പെ​ട്ട യു പി സ്വ​ദേ​ശി ജാ​വേ​ദി​ന്‍റെ മൃ​ത​ദേ​ഹ​മാ​ണ് തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ എ​ത്തി​യത്. മൃതദേഹങ്ങള്‍ തമ്മില്‍ മാറിപ്പോയതറിയാതെ ക​ഴി​ഞ്ഞ 30 ന് ഷാജിയുടെ വീട്ടുകാര്‍ ​മൃ​ത​ദേ​ഹം ഏ​റ്റു​വാ​ങ്ങി സം​സ്ക​രിക്കുകയായിരുന്നു. ഇ​തി​ന് പി​ന്നാ​ലെ​യാ​ണ് ഷാജിയുടെയും അഹമ്മദ് ഇദ്രീസിയുടെയും മൃ​ത​ദേ​ഹങ്ങള്‍ തമ്മില്‍ മാ​റി​പ്പോയെന്ന അ​റി​യി​പ്പ് ഷാജിയുടെ വീട്ടുകാര്‍ക്ക് ലഭിക്കുന്നത്. 

ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ച്ച് നാ​ട്ടി​ലേ​ക്ക് അ​യ​ച്ച​പ്പോ​ൾ കാ​ർ​ഗോ ക​മ്പ​നി​ക്കു​ണ്ടാ​യ വീ​ഴ്ച​യാ​ണ്​ മൃ​ത​ദേ​ഹം മാ​റാ​ൻ കാ​ര​ണമെന്നാണ് കമ്പനി അറിയിച്ചത്. തു​ട​ർ​ന്ന്, വീ​ണ്ടും ന​ട​പ​ടി​ക​ൾ പൂ​ർ​ത്തി​യാ​ക്കി​യാ​ണ് ഇപ്പോള്‍ യ​ഥാ​ർ​ത്ഥ മൃ​ത​ദേ​ഹം വീ​ട്ടി​ലെ​ത്തി​ച്ചത്. ര​ണ്ട് മൃ​ത​ദേ​ഹ​വും നാ​ട്ടി​ലേ​ക്ക്​ അ​യ​ക്കു​ന്ന​തി​ന്‍റെ രേ​ഖ​ക​ൾ ഒ​രു ദി​വ​സ​മാ​ണ് പൂര്‍ത്തിയാക്കിയത്. ഒ​രു ആം​ബു​ല​ൻ​സി​ലാ​ണ് ര​ണ്ട് മൃ​ത​ദേ​ഹ​ങ്ങളും നാട്ടിലെക്കെത്തിക്കാന്‍ വി​മാ​ന​ത്താ​വ​ള​ത്തി​ല്‍ എ​ത്തി​ച്ച​തും. എന്നാല്‍, ഈ ​സ​മ​യം പെ​ട്ടി​യി​ൽ ലേ​ബ​ലു​ക​ൾ പ​തി​ച്ചപ്പോള്‍ സംഭവിച്ച പിഴവാണ് മൃതദേഹം മാറിപ്പോകാനുള്ള കാരണമായി കമ്പനി അറിയിച്ചത്. ദ​മ്മാ​മി​ൽ​ നി​ന്നും ശ്രീ​ല​ങ്ക​ൻ എ​യ​ർ​ലൈ​ൻ​സി​ൽ ഷാ​ജി​യു​ടെ​യും ഇ​ൻ​ഡി​ഗോ​യി​ൽ ജാ​വേ​ദി​ന്‍റെ​യും മൃ​ത​ദേ​ഹ​ങ്ങ​ൾ അ​യ​ക്കാ​നാ​ണ് ബു​ക്ക് ചെ​യ്തി​രു​ന്ന​ത്. ലേ​ബ​ൽ മാ​റി​യ​തി​നാ​ൽ ഇ​തും പ​ര​സ്പ​രം മാ​റി.  

ജാ​വേ​ദി​ന്‍റെ മൃ​ത​ദേ​ഹം ഡ​ൽ​ഹി​യി​ൽ​ നി​ന്ന്​ ആം​ബു​ല​ൻ​സി​ൽ വീട്ടിലേക്ക് കൊ​ണ്ട് പോ​കു​ന്ന​തി​നി​ടെ ബന്ധുക്കള്‍ പേ​ര് ശ്ര​ദ്ധി​ച്ച​പ്പോ​ഴാ​ണ് മൃ​ത​ദേ​ഹം മാ​റി​പ്പോയ​ത് അ​റി​യു​ന്ന​ത്. വി​വ​രം ബ​ന്ധ​പ്പെ​ട്ട​വ​രെ അ​റി​യി​ക്കു​മ്പോ​ഴേ​ക്കും ഷാ​ജി​യു​ടേ​ത് എന്ന ധാ​ര​ണ​യി​ൽ ജാ​വേ​ദി​ന്‍റെ മൃ​ത​ദേ​ഹം വ​ള്ളി​കു​ന്ന​ത്ത് ചി​ത​യൊ​രു​ക്കി ദ​ഹി​പ്പി​ച്ചി​രു​ന്നു. ഷാ​ജിരാ​ജ​ന്‍റെ മൃ​ത​ദേ​ഹം ച​ട​ങ്ങു​ക​ളോ​ടെ സം​സ്ക​രി​ക്കാ​നാ​യ​തി​ൽ ബ​ന്ധു​ക്ക​ൾ ആ​ശ്വാ​സം കൊ​ള്ളു​മ്പോ​ൾ ജാ​വേ​ദി​ന്‍റെ കു​ടും​ബ​ത്തി​ന്‍റെ ദുഖം ഇരട്ടിച്ചു. ജാവേദിന്‍റെ മൃതദേഹാവശിഷ്ടങ്ങള്‍ ശേഖരിക്കാന്‍ അദ്ദേഹത്തിന്‍റെ ബന്ധുക്കള്‍ എത്തുമെന്ന് അറിയിച്ചിട്ടുണ്ട്. മൃ​ത​ദേ​ഹ​ങ്ങ​ൾ മാ​റി​യ​ത് സം​ബ​ന്ധി​ച്ച് ന​ട​പ​ടി​ ആ​വ​ശ്യ​പ്പെ​ട്ട് ഇ​രു​കൂ​ട്ട​രും അ​ധി​കൃ​ത​ർ​ക്ക് പ​രാ​തി ന​ൽ​കി.