കൊച്ചിയിൽ തൊണ്ടിമുതലായ എംഡിഎംഎ അടിച്ചുമാറ്റിയ എസ്ഐക്ക് സസ്പെൻഷൻ; കേസെടുക്കുമെന്ന് കമ്മീഷണർ

കൊച്ചിയിൽ തൊണ്ടിമുതലായി സൂക്ഷിച്ചിരുന്ന എംഡിഎംഎ മോഷ്ടിച്ച സംഭവത്തിൽ എസ്ഐക്ക് സസ്പെൻഷൻ. എറണാകുളം സെൻട്രൽ സ്റ്റേഷനിലെ എസ്ഐ അനസിനെയാണ് സിസിടിവി ദൃശ്യങ്ങളുടെ അടിസ്ഥാനത്തിൽ സസ്പെൻഡ് ചെയ്തത്. ഇയാൾക്കെതിരെ കേസെടുക്കുമെന്ന് കമ്മീഷണർ അറിയിച്ചു.

കൊച്ചി: കൊച്ചിയിൽ തൊണ്ടിമുതലായ എംഡിഎംഎ അടിച്ചുമാറ്റിയ എസ്ഐക്ക് സസ്പെൻഷൻ. എറണാകുളം സെൻട്രൽ സ്റ്റേഷനിലെ എസ്ഐ അനസിനെയാണ് സസ്പെൻഡ് ചെയ്തത്. എളമക്കരയിൽ പിടികൂടിയ എംഡിഎംഎ പൊലീസ് ഗോഡൗണിലേക്ക് മാറ്റാനായി സെൻട്രൽ സ്റ്റേഷനിൽ എത്തിച്ചപ്പോഴാണ് എസ്ഐ അനസ് മോഷ്ടിച്ചത്. സിസിടിവി ദൃശൃങ്ങൾ പരിശോധിച്ചതിലൂടെയാണ് എസ്ഐ ആണ് ലഹരിമരുന്ന് മോഷ്ടിച്ചതെന്ന് തിരിച്ചറിഞ്ഞത്. പൊലീസ് ഉദ്യോഗസ്ഥനെതിരെ കേസെടുക്കുമെന്ന് കമ്മീഷണർ കാളിരാജ് മഹേഷ് കുമാർ അറിയിച്ചു.