കണ്ണൂര്‍ ന്യൂമാഹിയിൽ റോഡരികിൽ സ്റ്റീൽ ബോംബ് കണ്ടെത്തി? പരിശോധന തുടരുന്നു

പാനൂർ ചെണ്ടയാട് റോഡിൽ സ്ഫോടകവസ്തു പൊട്ടിത്തെറിച്ചത് പരിഭ്രാന്തി പരത്തി. പൊട്ടിയത് ഏറുപടക്കമെന്നാണ് പൊലീസ് പറയുന്നത്

കണ്ണൂര്‍: കണ്ണൂരിൽ സ്റ്റീൽ ബോംബിന് സമാനമായ വസ്തു കണ്ടെത്തി. ന്യൂ മാഹി പെരിങ്ങാടിയിൽ തലശ്ശേരി-മാഹി ബൈപ്പാസിന്റെ സർവീസ് റോഡരികിലാണ് സ്റ്റീൽ ബോംബിന് സമാനമായ വസ്തു കണ്ടെത്തിയത്. എന്നാല്‍ ഇത് സ്റ്റീൽ ബോംബ് തന്നെ ആണെന്ന് പൊലീസ് സ്ഥിരീകരിച്ചിട്ടില്ല. പരിശോധന തുടരുകയാണ്.

ഇന്നലെ കൂത്തുപറമ്പിലും സ്റ്റീൽ ബോംബുകൾ കണ്ടെടുത്തിരുന്നു. അതിനിടെ പാനൂർ ചെണ്ടയാട് റോഡിൽ സ്ഫോടകവസ്തു പൊട്ടിത്തെറിച്ചത് പരിഭ്രാന്തി പരത്തി. പൊട്ടിയത് ഏറുപടക്കമെന്നാണ് പൊലീസ് പറയുന്നത്. ആരാണ് ഇത് എറിഞ്ഞ് പൊട്ടിച്ചതെന്ന് വ്യക്തമല്ല. ഉച്ചയ്ക്ക് രണ്ട് മണിയോടെയാണ് പൊട്ടിത്തെറിയുണ്ടായത്. പ്രദേശത്തെ ഒരു വീടിന് നേരെ മാസങ്ങൾക്ക് മുമ്പ് ബോംബേറുണ്ടായിരുന്നു.

ഏഷ്യാനെറ്റ് ന്യൂസ് ലൈവ്