Student commit Suicide : പത്തനംതിട്ടയില് പ്ലസ് ടു വിദ്യാര്ത്ഥി ഹോട്ടലിന് മുകളില് തൂങ്ങിമരിച്ചു
Synopsis
ഹോട്ടല് കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. ജീവനക്കാര് ഉടന് പൊലീസിനെ വിവരം അറിയിക്കുകയായിരുന്നു.
പത്തനംതിട്ട: പത്തനംതിട്ടയില് ഹോട്ടലിന് മുകളില് വിദ്യാര്ഥിയെ (Student) തൂങ്ങിമരിച്ച നിലയില് കണ്ടെത്തി. തൃശൂര് വരന്തരപ്പിള്ളി ചുക്കേരി വീട്ടില് അലോന്സോ ജോജി (18) ആണ് ജീവനൊടുക്കിയത് (Suicide). റാന്നിയിലെ സ്വകാര്യ സ്കൂളിലെ പ്ലസ് ടു വിദ്യാര്ഥിയാണ് അലോന്സോ ജോജി. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം.
രണ്ടു മാസമായി പത്തനംതിട്ട നഗരത്തിലെ ഹോട്ടലിലായിരുന്നു വിദ്യാര്ത്ഥി താമസിച്ച് വന്നിരുന്നത്. പത്തനംതിട്ട കോളേജ് റോഡില് പ്രവര്ത്തിക്കുന്ന ഹോട്ടലില് കഴിഞ്ഞ മാസം മൂന്നിനാണ് അലോന്സോ റൂമെടുത്തത്. 405-ാം നമ്പര് റൂമിലെ താമസക്കാരനായിരുന്നു. ചൊവ്വാഴ്ച രാത്രി 11.30 ഓടെയാണ് ഇയാളെ ഹോട്ടലില് തൂങ്ങിമരിച്ച നിലയില് കണ്ടെത്തിയത്.
ഹോട്ടല് കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. ജീവനക്കാര് ഉടന് പൊലീസിനെ വിവരം അറിയിക്കുകയായിരുന്നു. കുടുംബ പ്രശ്നങ്ങളാണ് ആത്മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക കണ്ടെത്തല്. കൂടുതല് അന്വേഷണം നടത്തി വരികയാണെന്ന് റാന്നി പൊലീസ് അറിയിച്ചു.
(ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസലിംഗ് പിന്തുണക്കായി ഈ നമ്പറുകളിൽ വിളിക്കാം 1056, 0471- 2552056)
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam