മെഡിക്കൽ എമർജൻസിയുമായി തുറമുഖ ആങ്കറേജിൽ കഴിഞ്ഞ 18 ന്‌ എത്തിയ എം.വി. നെക്സർ എന്ന വിദേശ കപ്പലിലേക്ക്‌ നിന്നും മൂന്ന് ഇന്ത്യൻ ക്രൂ അംഗങ്ങളെ ഇമിഗ്രേഷൻ നടപടികൾ പൂർത്തീകരിച്ച്‌ കയറ്റുകയും പകരം മൂന്ന് ഇന്ത്യക്കാരെ ഇറക്കുകയും ചെയ്തു. ബോർഡിന്‍റെ ധ്വനി ടഗ്ഗ്‌ ഉപയോഗിച്ചായിരുന്നു ക്രൂ ചേഞ്ചിങ് നടത്തിയത്‌.
തിരുവനന്തപുരം: നാലുവർഷത്തെ ഇടവേളയ്ക്ക്‌ ശേഷം കേരള മാരിടൈം ബോർഡിന്‍റെ വിഴിഞ്ഞം തുറമുഖത്ത് ക്രൂ ചേഞ്ചിങ് പുനരാരംഭിച്ചു. മെഡിക്കൽ എമർജൻസിയുമായി തുറമുഖ ആങ്കറേജിൽ കഴിഞ്ഞ 18 ന്‌ എത്തിയ എം.വി. നെക്സർ എന്ന വിദേശ കപ്പലിലേക്ക്‌ നിന്നും മൂന്ന് ഇന്ത്യൻ ക്രൂ അംഗങ്ങളെ ഇമിഗ്രേഷൻ നടപടികൾ പൂർത്തീകരിച്ച്‌ കയറ്റുകയും പകരം മൂന്ന് ഇന്ത്യക്കാരെ ഇറക്കുകയും ചെയ്തു. ബോർഡിന്‍റെ ധ്വനി ടഗ്ഗ്‌ ഉപയോഗിച്ചായിരുന്നു ക്രൂ ചേഞ്ചിങ് നടത്തിയത്‌.
കപ്പലിലേക്ക്‌ ആവശ്യമായ പ്രൊവിഷൻ സാധനങ്ങൾ, ഓക്സിജൻ സിലിണ്ടറുകൾ, 2000 ലിറ്റർ ല്യൂബ്‌ ഓയിൽ എന്നിവ കസ്റ്റംസ്‌ ക്ലിയറൻസിനു ശേഷം കയറ്റുകയും ചെയ്തു. ശനിയാഴ്ച രാവിലെ 10 മണിക്ക്‌ ആരംഭിച്ച പ്രവർത്തനം രാത്രി 8.30 മണിയോടെ വിജയകരമായി പൂർത്തീകരിച്ചതായി തുറമുഖ അധികൃതർ അറിയിച്ചു. ധാരാളം മറ്റ് കപ്പലുകളും ക്രൂ ചേഞ്ചിംഗിനായി കാത്തിരിക്കുന്നതായി ഷിപ്പിങ് ഏജൻസി വൃത്തങ്ങൾ അറിയിച്ചു. വിഴിഞ്ഞം തുറമുഖ പർസർ വിനുലാൽ , അസിസ്റ്റന്‍റ് കൺസർവ്വേറ്റർ അജീഷ്‌ എന്നിവർ മേൽനോട്ടം വഹിച്ചു.
ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക
Related Articles
തിരുവനന്തപുരം ആസ്ഥാനമായിട്ടുള്ള വാട്ടർലൈൻ ഷിപ്പിങ് ആന്‍റ് ലോജിസ്റ്റിക്സ്‌ കമ്പനി ആണ് കപ്പൽ തുറമുഖത്ത് എത്തിച്ചത്‌. ക്രൂ ചേഞ്ച് പുനരാരംഭിച്ചതോടെ സർക്കാരിന് വീണ്ടും കോടികളുടെ വരുമാനം ലഭിക്കുമെന്നാണ് വിലയിരുത്തൽ. തുറമുഖത്തിന് ഏറ്റവും അടുത്താണ് വിമാനത്താവളമെന്നതാണ് വിഴിഞ്ഞത്തിന്‍റെ പ്രത്യേകത. കോവിഡ് കാലത്തെ നിയന്ത്രണത്തിൻ്റെ ഭാഗമായി മറ്റ് തുറമുഖങ്ങൾ അടച്ചപ്പോൾ വിഴിഞ്ഞത്ത് ക്രൂ ചേഞ്ചിങ് നടത്തിയിരുന്നു. ലോകത്തെ വിവിധ രാജ്യങ്ങളിൽനിന്ന് ഷിപ്പിങ് ഏജൻസികൾ വിഴിഞ്ഞത്ത് ചെയ്ഞ്ചിംഗിനായി കപ്പലുകൾ അടുപ്പിച്ചു. പുറംകടലില്‍നിന്നു കപ്പല്‍ ജീവനക്കാരെ ഇറക്കാനും കയറ്റാനും ടഗ് ആണ് ഉപയോഗിച്ചത്. 2020-22 കാലയളവിൽ 736 മദർ വെസലുകളും സൂപ്പർ ടാങ്കറുകളും ഇവിടെ ക്രൂ ചെയ്ഞ്ചിനായി അടുത്തിരുന്നു. ഇതോടെ സംസ്ഥാന സർക്കാർ വിഴിഞ്ഞം തുറമുഖത്തിന് രാജ്യാന്തര ക്രൂ ചെയ്ഞ്ച് ആൻഡ് ബങ്കറിംഗ് പദവി നൽകിയിരുന്നു. രണ്ടു വർഷം 12500 ജീവനക്കാർ ക്രൂ ചെയ്ഞ്ച് നടത്തി. എന്നാൽ, പിന്നീട് നിയമനടപടികളിൽപെട്ട് ഇത് അവസാനിക്കുകയായിരുന്നു. നിലവിൽ തുറമുഖത്തിന്‍റെ വരുമാനത്തിനൊപ്പം ക്രൂ ചേഞ്ചിലൂടെയും വരുമാനം കണ്ടെത്താമെന്ന പ്രതീക്ഷയിലാണ് അധികൃതർ
