സൈഡ് കൊടുക്കുന്നതിനിടയില് തെന്നിവീണത് ലോറിക്കടിയിലേക്ക്; വിദ്യാര്ഥിക്ക് ദാരുണാന്ത്യം
Synopsis
താമരശ്ശേരി ഭാഗത്തുനിന്ന് മുക്കം ഭാഗത്തേക്ക് പോവുകയായിരുന്ന ഇരുവരും സ്കൂട്ടര് അരികിലേക്ക് ഒതുക്കുകയായിരുന്നു. ഇതിനിടയില് തെന്നി വീഴുകയും ഇതേ ദിശയില് വന്ന ചരക്കുലോറിക്കടിയില്പ്പെടുകയുമായിരുന്നു.
കോഴിക്കോട്: വാഹനാപകടത്തില് 18കാരനായ വിദ്യാര്ഥിക്ക് ദാരുണാന്ത്യം. ബാലുശ്ശേരി കൂരാച്ചുണ്ട് പടിഞ്ഞാറ്റിടത്തില് ജീവന് ബിനു (18) ആണ് മരിച്ചത്. കൂടെ യാത്ര ചെയ്തിരുന്ന കരിയാത്തന്പാറ ആദര്ശിനെ പരിക്കുകളോടെ ആശുപത്രിയില് പ്രവേശിപ്പിച്ചു. താമരശ്ശേരി-മുക്കം റോഡില് വെഴുപ്പൂര് ബസ് സ്റ്റോപ്പിന് സമീപത്താണ് അപകടമുണ്ടായത്. താമരശ്ശേരി ഭാഗത്തുനിന്ന് മുക്കം ഭാഗത്തേക്ക് പോവുകയായിരുന്ന ഇരുവരും സ്കൂട്ടര് അരികിലേക്ക് ഒതുക്കുകയായിരുന്നു. ഇതിനിടയില് തെന്നി വീഴുകയും ഇതേ ദിശയില് വന്ന ചരക്കുലോറിക്കടിയില്പ്പെടുകയുമായിരുന്നു. ജീവന് പ്ലസ് ടു പൂര്ത്തിയാക്കി ഉപരിപഠനത്തിന് തയ്യാറെടുക്കുകയായിരുന്നു. പിതാവ്: ബിനു. മാതാവ്: വിജിത. സഹോദരങ്ങള്: കിഷന്, ശിവാനി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam