പൂനൂര് പുഴയില് ഒഴുക്കിൽപ്പെട്ട രണ്ടാമത്തെ വിദ്യാർത്ഥിയുടെ മൃതദേഹവും കണ്ടെത്തി
Synopsis
തിങ്കളാഴ്ച വൈകിട്ട് വെള്ളിമാട്കുന്ന്-അമ്മോത്ത് കടവില് കുളിക്കാനിറങ്ങിയ വിദ്യാര്ത്ഥികളാണ് ഒഴുക്കില് പെട്ട് മരിച്ചത്.
കോഴിക്കോട്: പൂനൂര് പുഴയില് കുളിക്കാനിറങ്ങിയ രണ്ട് വിദ്യാര്ഥികള് ഒഴുക്കില്പ്പെട്ട് മരിച്ചു. കോഴിക്കോട് അരയിടത്ത് പാലം അല്സലാമ കോളജിലെ ഒന്നാം വര്ഷ ഒപ്റ്റോമെട്രിക് വിദ്യാര്ഥിയായ വയനാട് അമ്പലവയല് ആണ്ടൂര് ചീനപ്പുല്ല് വെട്ടിക്കുന്നേല് റെജി- നിഷ ദമ്പതികളുടെ മകന് ആല്വിന്(19), വെള്ളിമാട്കുന്ന് ജെഡിടി ഇസ്ലാം കോളജിലെ ഒന്നാം വര്ഷ ഗണിതശാസ്ത്ര വിഭാഗം വിദ്യാര്ഥി വയനാട് അമ്പലവയല് കുപ്പക്കൊല്ലി അബ്ദുല് അസീസ്- നൗഷിദ ദമ്പതികളുടെ മകന് അമര്(18) എന്നിവരാണ് മരിച്ചത്.
തിങ്കളാഴ്ച വൈകിട്ട് വെള്ളിമാട്കുന്ന്-അമ്മോത്ത് കടവില് കുളിക്കാനിറങ്ങിയ വിദ്യാര്ത്ഥികളാണ് ഒഴുക്കില് പെട്ട് മരിച്ചത്. ആല്വിന്റെ മൃതദേഹം തിങ്കളാഴ്ച തന്നെ കണ്ടെത്തിയിരുന്നു. എന്നാല് അമറിന്റെ മൃതദേഹം ഒരു ദിവസത്തെ തിരച്ചിലിനൊടുവില് ചൊവ്വാഴ്ചയാണ് കണ്ടെത്താനായത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam