സുപ്രീം കോടതി ചീഫ് ജസ്റ്റീസ് നാളെ കൊച്ചിയിൽ; പ്രതിഷേധവുമായി ഹൈക്കോടതി അഭിഭാഷകരുടെ സംഘടന

കോടതിയിൽ ഇ ഫയലിംഗും ഡിജിറ്റലൈസേഷൻ പ്രക്രിയയും തുടങ്ങിയത് അസോസിയേഷനുമായി കൂടിയാലോചനയില്ലാതെയാണെന്ന് ആരോപിച്ചാണ് പ്രതിഷേധം.

കൊച്ചി: സുപ്രീംകോടതി ചീഫ് ജസ്റ്റിസ് ഡി വൈ ചന്ദ്രചൂഡ് നാളെ കൊച്ചിയിൽ എത്താനിരിക്കെ പ്രതിഷേധവുമായി ഹൈക്കോടതിയിലെ അഭിഭാഷകരുടെ സംഘടന. ചീഫ് ജസ്റ്റിസും മുഖ്യമന്ത്രിയും പങ്കെടുക്കുന്ന പരിപാടിയിൽ വേദി പങ്കിടില്ലെന്ന് ഹൈക്കോർട്ട് അഡ്വക്കേറ്റ്സ് അസോസിയേഷൻ പ്രസിഡന്റ് യശ്വന്ത്‌ ഷേണായി അറിയിച്ചു. കോടതിയിൽ ഇ ഫയലിംഗും ഡിജിറ്റലൈസേഷൻ പ്രക്രിയയും തുടങ്ങിയത് അസോസിയേഷനുമായി കൂടിയാലോചനയില്ലാതെയാണെന്ന് ആരോപിച്ചാണ് പ്രതിഷേധം.