കളമശേരിയിൽ ദാരുണ അപകടം: ബൈക്ക് മെട്രോ തൂണിലിടിച്ച് ഐടി കമ്പനി ജീവനക്കാരൻ മരിച്ചു

കൊച്ചി കളമശ്ശേരിയിൽ മെട്രോ തൂണിൽ ബൈക്കിടിച്ച് 26-കാരനായ യുവാവ് മരിച്ചു. നിയന്ത്രണം വിട്ട ബൈക്ക് പില്ലറിലേക്ക് ഇടിച്ച് കയറുകയായിരുന്നു. കാക്കനാട്ടെ ഐ.ടി കമ്പനി ജീവനക്കാരനായ മുഹമ്മദ് മുസ്തഫയാണ് അപകടത്തിൽ മരിച്ചത്.

കൊച്ചി: മെട്രോ തൂണിൽ ബൈക്ക് ഇടിച്ച് യുവാവിന് ദാരുണാന്ത്യം. കളമശ്ശേരിയിൽ ഇന്നലെ രാവിലെയായിരുന്നു അപകടം നടന്നത്. മലപ്പുറം കരിപ്പൂർ കരുവാൻകല്ല് മുടക്കയിൽ കരീചിയിൽ സിദ്ദീഖിന്റെ മകൻ മുഹമ്മദ് മുസ്തഫ (26) ആണ് അപകടത്തിൽ മരിച്ചത്.

ബൈക്ക് നിയന്ത്രണം വിട്ട് മെട്രോ പില്ലറിലേക്ക് ഇടിച്ച് കയറുകയായിരുന്നു. ഇടിയുടെ ആഘാതത്തിൽ ബൈക്ക് പൂർണമായും തകർന്നു. ഓടിയെത്തിയ നാട്ടുകാർ ചേർന്ന് ഉടൻ തന്നെ യുവാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കാക്കനാട് ഐ.ടി കമ്പനിയിൽ ജീവനക്കാരനായിരുന്നു യുവാവ്.