അറുപത് വർഷം പഴക്കമുള്ള കിണർ ഇടിഞ്ഞു താഴ്ന്നു

ശുദ്ധജല സ്രോതസ്സായ ഈ കിണറിലെ വെളളമാണ് പരിസരത്തെ കടക്കാരും മറ്റും ഉപയോഗിച്ചു വന്നിരുന്നത്. 

ഹരിപ്പാട്: മുതുകുളം സാഹിത്യ സേവിനി ഗ്രന്ഥശാലാ പരിസരത്തെ പഞ്ചായത്ത് കിണർ ഇടിഞ്ഞു താഴ്ന്നു. അറുപതു വർഷങ്ങൾക്കു മുൻപ് സ്ഥാപിച്ച കിണറാണ് കഴിഞ്ഞ ദിവസം രാവിലെ പതിനൊന്നരയോടെ ഇടിഞ്ഞു താഴ്ന്നത്. വെട്ടുകല്ലുകൊണ്ട് നിർമിച്ച കിണർ ഭൂമിയിലേക്ക് മുഴുവനായും താഴ്ന്നുപോയി. ശുദ്ധജല സ്രോതസ്സായ ഈ കിണറിലെ വെളളമാണ് പരിസരത്തെ കടക്കാരും മറ്റും ഉപയോഗിച്ചു വന്നിരുന്നത്. താഴ്ന്നു പോകുമ്പോൾ അടുത്താരും ഇല്ലാതിരുന്നതിനാൽ അപത്തുകളൊന്നും ഉണ്ടായില്ല.