കേസിൽ ശിക്ഷിക്കപ്പെട്ടു, പൊലീസിൻ്റെ മൂക്കിൻ തുമ്പത്ത് ഒളിവിൽ കഴിഞ്ഞത് 25 വർഷം: ഒടുവിൽ വെബ്ലി സലീം വലയിൽ

 പന്നിയങ്കര പൊലീസ് കാപ്പ ചുമത്തി ജില്ലയിൽ നിന്ന് പുറത്താക്കിയ ഇയാൾ കോട്ടക്കൽ പൊലീസ് സ്റ്റേഷനിൽ കളവ് കേസിൽ ശിക്ഷിക്കപ്പെട്ട് 1998 മുതൽ ഒളിവിൽ കഴിഞ്ഞുവരികയായിരുന്നു. 

മലപ്പുറം: ശിക്ഷിക്കപ്പെട്ടതിന് പിന്നാലെ ഒളിവിൽ പോയ പ്രതി 25 വർഷത്തിന് ശേഷം കോട്ടക്കലിൽ അറസ്റ്റിൽ. കോഴിക്കോട് പന്നിയങ്കര സ്വദേശി വെബ്ലി സലീമിനെയാണ് (44) പൊലീസ് അറസ്റ്റ് ചെയ്തത്. ലഹരി, മോഷണ കേസുകളിൽ പ്രതിയായിരുന്നു വെബ്ലി സലീം. ഇയാൾ  സംസ്ഥാനത്തിന് അകത്തും പുറത്തുമായി നിരവധി കേസുകളിൽ ഉൾപ്പെട്ടിരുന്നു. 

നിരന്തരം കേസുകള്‍ വന്നതോടെ ഇയാളെ പന്നിയങ്കര പൊലീസ് കാപ്പ ചുമത്തി ജില്ലയിൽ നിന്ന് പുറത്താക്കിയിരുന്നു. പിന്നീട് ഇയാൾ കോട്ടക്കൽ പൊലീസ് സ്റ്റേഷനിൽ കളവ് കേസിലും ശിക്ഷിക്കപ്പെട്ടിരുന്നു. എന്നാല്‍ 1998 ൽ നടന്ന ഈ കേസിൽ ശിക്ഷാവിധി ഇതുവരേയും അനുഭവിച്ചിട്ടില്ലായിരുന്നു. അന്നു  മുതൽ ഇയാള്‍ ഒളിവിൽ കഴിഞ്ഞുവരികയായിരുന്നു. വിധി വന്ന് 25 വർഷങ്ങൾക്ക് ശേഷമാണ് ഇപ്പോൾ പ്രതി പിടിയിലാവുന്നത്. പന്നിയങ്കരയിൽ നിന്ന് അറസ്റ്റ് ചെയ്ത സലീമിനെ മലപ്പുറം കോടതിയിൽ ഹാജരാക്കി റിമാൻഡ് ചെയ്തു. 

https://www.youtube.com/watch?v=Ko18SgceYX8