കോഴിക്കോട് സ്കൂള്‍ വിദ്യാര്‍ത്ഥിക്ക് പീഡനം, പ്രതി പിടിയില്‍

മുൻകൂർ ജാമ്യാപേക്ഷ ഹൈക്കോടതി തള്ളിയതിനെ തുടർന്നാണ് ഇയാള്‍ കീഴടങ്ങിയത്. കഴിഞ്ഞ ഡിസംബറിൽ ആയിരുന്നു ഇയാള്‍ വിദ്യാർത്ഥിയെ  പീഡിപ്പിച്ചത്.

കോഴിക്കോട്: കോഴിക്കോട് നാദാപുരത്ത് സ്കൂൾ വിദ്യാർത്ഥിയെ ലൈംഗികമായി പീഡിപ്പിച്ചയാളെ പൊലീസ് അറസ്റ്റ് ചെയ്തു. നാദാപുരം തൂണേരി സ്വദേശി പാറോള്ളതിൽ ഇസ്മയിലിനെയാണ് നാദാപുരം പൊലീസ് അറസ്റ്റ് ചെയ്തത്. ഡിസംബറിലാണ് ലൈംഗികാതിക്രമം നടന്നത്. ചൈൽഡ് ലൈൻ പ്രവർത്തകരുടെ കൗൺസിലിംഗിലാണ് കുട്ടി പീഡന വിവരം വെളിപ്പെടുത്തിയത്. തുടർന്ന് ഇസ്‍മയിലിനെതിരെ പൊലീസിൽ പരാതി നൽകുകയായിരുന്നു. ഇക്കാര്യമറിഞ്ഞ പ്രതി വിദേശത്തേക്ക് കടക്കുകയും മുൻകൂർ ജാമ്യത്തിന് ശ്രമിക്കുകയും ചെയ്തു. മുൻകൂർ ജാമ്യാപേക്ഷ കോടതി തളളിയതോടെയാണ് ഇയാൾ ഇന്ന് കീഴടങ്ങുകായിരുന്നു.