പൊലീസ് സ്‌നിഫർ ഡോഗ് ലിഡോയുടെ സഹായത്തോടെ നടത്തിയ റെയ്ഡിലാണ് 40 കെട്ടോളം ഹാൻസ്, കൂൾ ലിപ് എന്നിവ പിടിച്ചെടുത്തത്.
കായംകുളം: ജില്ലാ പൊലീസ് മേധാവിയുടെ സ്പെഷ്യൽ ഡ്രൈവിന്റെ ഭാഗമായി കായംകുളം പൊലീസ് സ്റ്റേഷൻ പരിധിയിൽ നടന്ന പരിശോധനയില്‍ നിരോധിത പുകയില ഉല്‍പ്പന്നങ്ങള്‍ പിടികൂടി. പൊലീസ് സ്‌നിഫർ ഡോഗ് ലിഡോയുടെ സഹായത്തോടെ നടത്തിയ റെയ്ഡിലാണ് 40 കെട്ടോളം ഹാൻസ്, കൂൾ ലിപ് എന്നിവ പിടിച്ചെടുത്തത്.
നിരോധിത പുകയില ഉത്പന്നങ്ങള്‍ വിൽപന നടത്തിയ മൂന്ന് പേരെ പൊലീസ് അറസ്റ്റ് ചെയ്തു. കായംകുളം വളഞ്ഞനടക്കാവിൽ കച്ചവടം നടത്തുന്ന കൃഷ്ണപുരം വില്ലേജിൽ പെരിങ്ങാല മുറിയിൽ കാട്ടിൽ പറമ്പിൽ അജി കുമാർ (45), കൃഷ്ണപുരം വില്ലേജിൽ പെരിങ്ങാല മുറിയിൽ കാരൂർ കോട്ടയിൽ കോശി ഡാനിയൽ(58), ഞക്കനാൽ പൊന്നി സ്റ്റേഷനറി നടത്തുന്ന രാജേഷ് (30) എന്നിവരെയാണ് അറസ്റ്റ് ചെയ്തത്.
കായംകുളം എസ് ഐ ബൈജുവിന്റെ നേതൃത്വത്തിൽ പ്രൊബേഷൻ എസ് ഐ അജ്മൽ ഹുസൈൻ പൊലീസുകാരായ ലിജു, ബിനുമോൻ, ശ്രീനാഥ് എന്നിവരോടൊപ്പം ആലപ്പുഴ ഡോഗ് സ്ക്വാഡിലെ ഉദ്യോഗസ്ഥരും പരിശോധനാ സംഘത്തിലുണ്ടായിരുന്നു. വരും ദിവസങ്ങളിലും പരിശോധന ശക്തമാക്കുമെന്ന് ജില്ലാ പൊലീസ് മേധാവി പി എസ് സാബു പറഞ്ഞു.