അസമിൽ നിന്ന് ജീപ്പിൽ മലപ്പുറത്തേക്ക്, വളാഞ്ചേരി വരെ എത്തി, സംശയം തോന്നി പരിശോധിച്ചപ്പോൾ രഹസ്യ അറയിൽ ബ്രൗണ്ഷുഗര്; അറസ്റ്റിൽ
Synopsis
തിങ്കളാഴ്ച പുലര്ച്ചെ വളാഞ്ചേരി - പട്ടാമ്പി റോഡില് കൊട്ടാരത്ത് വെച്ചാണ് പൊലീസ് പ്രതികളെ പിടികൂടിയത്. വാഹന പരിശോധനക്കിടെ സംശയം തോന്നി ജീപ്പ് തടയുകയായിരുന്നു. അസമിൽ നിന്നും ജീപ്പിലെത്തിയെന്ന് പറഞ്ഞതോടെ വാഹനം വിശദമായി പരിശോധിച്ചപ്പോഴാണ് രഹസ്യ അറയിൽ ഒളിപ്പിച്ച മയക്കുമരുന്ന് കണ്ടെത്തിയത്.
മലപ്പുറം: ബ്രൗണ്ഷുഗറിന്റെ വന് ശേഖരവുമായി മൂന്ന് അസം സ്വദേശികള് മലപ്പുറത്ത് പിടിയില്. 333 ഗ്രാം ബ്രൗണ്ഷുഗറുമായി അസം നാഗോണ് സ്വദേശികളായ സദാം ഹുസൈന് (32), ഇസാസുല് ഹഖ് (31), റഷീദുല് ഇസ്ലാം (32)എന്നിവരെയാണ് പൊലീസ് പിടികൂടിയത്. ജീപ്പില് രഹസ്യ അറയുണ്ടാക്കി ബ്രൗണ്ഷുഗര് ഒളിപ്പിച്ചു കേരളത്തിലേക്ക് കടത്തുകയായിരുന്നു. അസമില്നിന്നുമാണ് പ്രതികൾ ലഹരിമരുന്ന് ഒളിപ്പിച്ച് കടത്തിയത്. പരിശോധനകളിൽ പെടാതെ കേരളത്തിൽ വരെ എത്തിയെങ്കിലും വളാഞ്ചേരി പൊലീസും ജില്ലാ പൊലീസ് മേധാവിയുടെ നേതൃത്വത്തിലുള്ള ഡാന്സാഫ് സ്ക്വാഡിന്റെ ഓപറേഷന് തൂഫാനിൽ അസം സ്വദേശികൾ കുടുങ്ങി.
തിങ്കളാഴ്ച പുലര്ച്ചെ വളാഞ്ചേരി - പട്ടാമ്പി റോഡില് കൊട്ടാരത്ത് വെച്ചാണ് പൊലീസ് പ്രതികളെ പിടികൂടിയത്. വാഹന പരിശോധനക്കിടെ സംശയം തോന്നി ജീപ്പ് തടയുകയായിരുന്നു. അസമിൽ നിന്നും ജീപ്പിലെത്തിയെന്ന് പറഞ്ഞതോടെ വാഹനം വിശദമായി പരിശോധിച്ചപ്പോഴാണ് രഹസ്യ അറയിൽ ഒളിപ്പിച്ച മയക്കുമരുന്ന് കണ്ടെത്തിയത്. തിരൂര് ഡി വൈ.എസ്.പി എ. എം. സി ദ്ദീഖ്, നാര്കോട്ടിക് സെല് ഡി വൈ.എസ്.പി എന്.ഒ. സിബി, വളാഞ്ചേരി പൊലീസ് ഇന്സ്പെക്ടര് ആനന്ദ്ബാബു, പൊന്നാനി പൊലീസ് ഇന്സ്പെക്ടര് സതീഷ്കുമാര്, വളാഞ്ചേരി സബ് ഇന്സ്പെക്ടര് എം. നിര്മല് കൂടാതെ ജില്ലാ ഡാന്സാഫ് ടീമും ചേര്ന്നാണ് പ്രതികളെ പിടികൂടിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam