പെരിയവാര താത്കാലിക പാലത്തിലൂടെയുള്ള ഗതാഗതം പുനസ്ഥാപിച്ചു

ഒരു കോടി രൂപ മുടക്കി രണ്ടു പ്രാവശ്യം താൽക്കാലിക പാലം നിർമ്മിച്ചെങ്കിലും കഴിഞ്ഞ പ്രളയത്തിൽ വീണ്ടും തകർന്നു.

ഇടുക്കി: പെരിയവാര താത്കാലിക പാലത്തിലൂടെയുള്ള ഗതാഗതം പുനസ്ഥാപിച്ചു. ചൊവ്വാഴ്ച ഉച്ചയോടെയാണ് പാലം ഗതാഗതത്തിനായി തുറന്നുനൽകിയത്. 2018-ൽ കന്നിമലയാർ കരകവിഞ്ഞതോടെയാണ് മൂന്നാർ -ഉടുമൽപ്പെട്ട അന്തർസംസ്ഥാനപാതയിലെ പെരിയവാര പാലം തകർന്നത്.

ഒരു കോടി രൂപ മുടക്കി രണ്ടു പ്രാവശ്യം താൽക്കാലിക പാലം നിർമ്മിച്ചെങ്കിലും കഴിഞ്ഞ പ്രളയത്തിൽ വീണ്ടും തകർന്നു. കയർഫെഡിന്റെ നേതൃത്വത്തിലാണ് വീണ്ടും പാലം നിർമ്മിച്ചിരിക്കുന്നത്. വലിയ വാഹനങ്ങൾ ബുധനാഴ്ചയോടെ മാത്രമേ കടത്തിവിടുകയുള്ളു.