ഇന്ന് പുലർച്ചയോടെയായിരുന്നു സംഭവം. വീടിന്റെ മുന്നിൽ നിന്ന കൂറ്റൻ അക്വേഷ്യ മരമാണ് ശക്തമായ കാറ്റിൽ നിലം പൊത്തിയത്.
ആലപ്പുഴ: ശക്തമായ കാറ്റിൽ മരം വീണ് മൽസ്യ തൊഴിലാളി കുടുംബത്തിന്റെ വീട് തകർന്നു. പുന്നപ്ര തെക്ക് പഞ്ചായത്ത് 2-ാം വാർഡ് പുത്തൻ പുരയ്ക്കൽ ഗ്രിഗറി (കൊച്ചു ചെറുക്കൽ) യുടെ വീടിന്റെ മേൽക്കൂരയാണ് തകർന്നത്. ഇന്ന് പുലർച്ചയോടെയായിരുന്നു സംഭവം. വീടിന്റെ മുന്നിൽ നിന്ന കൂറ്റൻ അക്വേഷ്യ മരമാണ് ശക്തമായ കാറ്റിൽ നിലം പൊത്തിയത്. ശബ്ദം കേട്ട് വീട്ടുകാർ ഇറങ്ങി ഓടിയതിനാൽ ദുരന്തം ഒഴിവായി. വർഷങ്ങളായി രോഗത്തെ തുടർന്ന് ചികിൽസയിലാണ് ഗ്രിഗറി.