കടയില് അതിക്രമിച്ചു കയറി സ്റ്റേഷനറി സാധനങ്ങള് മോഷ്ടിച്ചു, പ്രായപൂര്ത്തിയാവാത്ത കുട്ടിയുള്പ്പെടെ രണ്ടു പേര് പിടിയില്
Synopsis
പുല്പ്പള്ളി പാടിച്ചിറയിലെ ഒരു കടയില് നിന്ന് സ്റ്റേഷനറി സാധനങ്ങള് മോഷ്ടിച്ച സംഭവത്തില് പ്രായപൂര്ത്തിയാവാത്ത കുട്ടിയുള്പ്പെടെ രണ്ടുപേര് അറസ്റ്റിലായി. സി.സി.ടി.വി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പുല്പ്പള്ളി പോലീസ് പ്രതികളെ പിടികൂടിയത്.
പുല്പ്പള്ളി: കടയില് അതിക്രമിച്ചു കയറി സ്റ്റേഷനറി സാധനങ്ങള് മോഷ്ടിച്ച സംഭവത്തില് പ്രായപൂര്ത്തിയാവാത്ത കുട്ടിയുള്പ്പെടെ രണ്ടു പേര് പിടിയില്. നീര്വാരം പരിയാരം ഉന്നതിയില് ചുട്ടിയെന്ന ശരത്ത് മണി(19)യെയും പ്രായപൂര്ത്തിയാവാത്ത കുട്ടിയെയുമാണ് പുല്പ്പള്ളി എസ്.ഐ കിഷോറിന്റെ നേതൃത്വത്തിലുള്ള പോലീസ് സംഘം വെള്ളിയാഴ്ച പിടികൂടിയത്.
ഈ മാസം 21 ന് പുലര്ച്ചെയാണ് പാടിച്ചിറ ഉദയകവലയിലുള്ള കടയില് മോഷണം നടന്നത്. കടയുടെ മുന്ഭാഗത്തുള്ള മരപ്പാളി പൊളിച്ച് അകത്ത് കയറി 3500 രൂപ വില വരുന്ന സ്റ്റേഷനറി സാധനങ്ങളാണ് ഇരുവര് സംഘം മോഷ്ടിച്ചത്. എസ്.ഐ പി. ജിതിന്കുമാറിന്റെ നേതൃത്വത്തില് സി.സി.ടി.വി ദൃശ്യങ്ങള് കേന്ദ്രീകരിച്ചു നടത്തിയ അന്വേഷണത്തിലാണ് പ്രതികള് വലയിലായത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam