നാദാപുരം- തലശ്ശേരി സംസ്ഥാന പാതയിൽ വാഹന പരിശോധനക്കിടെ കുടുങ്ങി; അനധികൃതമായി കടത്തിയത് 29 കുപ്പി വിദേശമദ്യം
Synopsis
നാദാപുരം- തലശ്ശേരി സംസ്ഥാന പാതയില് കായപ്പനച്ചിയില് നടത്തിയ പരിശോധനയിലാണ് ഇരുവരും പിടിയിലാകുന്നത്.
കോഴിക്കോട്: മാഹിയില് നിന്ന് അനധികൃതമായി കടത്തിയ വിദേശമദ്യവുമായി രണ്ട് പേര് പിടിയില്. നാദാപുരം വിലങ്ങാട് അടുപ്പില് ഉന്നതിയിലെ ജയസൂര്യ(28), വെസ്റ്റ്ബംഗാള് സ്വദേശി സുബീര് ദാസ്(25) എന്നിവരെയാണ് 29 കുപ്പി വിദേശമദ്യവുമായി നാദാപുരം എസ്ഐ എംപി വിഷ്ണു അറസ്റ്റ് ചെയ്തത്.
നാദാപുരം- തലശ്ശേരി സംസ്ഥാന പാതയില് കായപ്പനച്ചിയില് നടത്തിയ പരിശോധനയിലാണ് ഇരുവരും പിടിയിലാകുന്നത്. സുബിര് ദാസില് നിന്ന് അര ലിറ്ററിന്റെ 11 കുപ്പികളും ജയസൂര്യയില് നിന്ന് 18 കുപ്പികളുമാണ് പിടികൂടിയത്. വിലങ്ങാട് അടുപ്പില്, കെട്ടില് എന്നിവിടങ്ങളില് വില്പനക്കായി കൊണ്ടുപോവുകയായിരുന്ന മദ്യമാണ് പിടികൂടിയതെന്ന് പൊലീസ് പറഞ്ഞു. ഇരുവരെയും കോടതിയില് ഹാജരാക്കി റിമാന്റ് ചെയ്തു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam