മൂലമ്പിള്ളിയിൽ 2 യുവാക്കൾ കായലിൽ വീണു, ഒരാളെ രക്ഷപ്പെടുത്തി, ഒരാൾക്കായി തെരച്ചിൽ തുടരുന്നു

ഗുരുതരാവസ്ഥയിലുള്ള വിനിലിനെ ആശുപത്രിയിലേക്ക് മാറ്റി. ഷൈനിന് വേണ്ടിയുള്ള തെരച്ചിൽ തുടരുകയാണ്.

കൊച്ചി: എറണാകുളം മൂലമ്പള്ളിയിൽ യുവാക്കൾ കായലിലേക്ക് വീണു. രാത്രി 9 മണിയോടെയാണ് രണ്ട് യുവാക്കൾ അപകടത്തിൽപ്പെട്ടത്. മൂലമ്പിള്ളി സ്വദേശി വിനിൽ, ഷൈൻ എന്നിവരാണ് കായലിലേക്ക് വീണത്. ഫയർഫോഴ്സ് നടത്തിയ തെരച്ചിൽ വിനിലിനെ കണ്ടെത്തി. ഗുരുതരാവസ്ഥയിലുള്ള വിനിലിനെ ആശുപത്രിയിലേക്ക് മാറ്റി. ഷൈനിന് വേണ്ടിയുള്ള തെരച്ചിൽ തുടരുകയാണ്. ഒരാൾ കാൽവഴുതി വീണപ്പോൾ അടുത്തയാൾ രക്ഷിക്കാനായി ചാടിയതെന്നാണ് സംശയം.