റബ്ബർ തോട്ടത്തിൽ മഴക്കുഴി നിർമ്മിക്കുന്നതിനിടെ അപ്രതീക്ഷിത കാഴ്ച; ഭീമൻ പെരുമ്പാമ്പിനെ കണ്ടെത്തി

കൂത്താട്ടുകുളം പാലക്കുഴയിൽ റബ്ബർ തോട്ടത്തിൽ മഴക്കുഴി നിർമ്മിക്കുകയായിരുന്ന തൊഴിലുറപ്പ് തൊഴിലാളികളാണ് പെരുമ്പാമ്പിനെ കണ്ടെത്തിയത്. വിവരമറിയിച്ചതിനെ തുടർന്ന് മൂവാറ്റുപുഴയിൽ നിന്നുള്ള സർപ്പ റെസ്ക്യൂ ടീം അംഗമെത്തി പാമ്പിനെ സുരക്ഷിതമായി പിടികൂടി.

കൊച്ചി: തൊഴിലുറപ്പ് തൊഴിലാളികൾ റബ്ബർ തോട്ടത്തിൽ മഴക്കുഴി നിർമ്മിക്കുന്നതിനിടെ പെരുമ്പാമ്പിനെ കണ്ടെത്തി. കൂത്താട്ടുകുളം പാലക്കുഴ പഞ്ചായത്തിൽ എട്ടാം വാർഡിൽ ചോനമലയിൽ അരുൺ സി ജോസഫിന്റെ റബ്ബർ തോട്ടത്തിലാണ് പെരുമ്പാമ്പിനെ കണ്ടെത്തിയത്. വനം വകുപ്പിനെ വിവരം അറിയിച്ചതിനെ തുടർന്ന് മൂവാറ്റുപുഴ സർപ്പ റെസ്ക്യൂ ടീമിലെ അംഗമായ സെബി തോമസ് എത്തി പാമ്പിനെ പിടികൂടി.