വി​ഴി​ഞ്ഞ​ത്തെ ആ​ദ്യ ഷി​പ്പ് ടു ​ഷി​പ്പ് ബ​ങ്ക​റിം​ഗ് വി​ജ​യ​ക​രം;1,20,000 ലി​റ്റ​ർ ഇ​ന്ധ​നം വിദേശകപ്പലിൽ നിറച്ചു

വിഴിഞ്ഞം തുറമുഖത്ത് മാരി ടൈം ബോർഡിന്റെ നേതൃത്വത്തിൽ ആദ്യത്തെ ഷിപ്പ് ടു ഷിപ്പ് ബങ്കറിംഗ് വിജയകരമായി പൂർത്തിയാക്കി. കസ്റ്റഡിയിലുള്ള എം. വി സോളിസ് എന്ന വിദേശ കപ്പലിൽ, കൊച്ചിയിൽ നിന്നെത്തിച്ച എം.ടി ജനീസസ് എന്ന കപ്പൽ ഉപയോഗിച്ച് 1,20,000 ലിറ്റർ ഇന്ധനം നിറച്ചു. ഇന്ധനം തീർന്ന് കപ്പലിന്റെ പ്രവർത്തനം നിലയ്ക്കുന്നത് ഒഴിവാക്കാനായിരുന്നു ഈ അടിയന്തര നടപടി.

തിരുവനന്തപുരം: വി​ഴി​ഞ്ഞം തു​റ​മു​ഖ​ത്ത് മാ​രി ടൈം ​ബോ​ർ​ഡി​ന്‍റെ ആ​ദ്യ ഷി​പ്പ് ടു ​ഷി​പ്പ് ബ​ങ്ക​റിം​ഗ് വി​ജ​യ​ക​രം. വിഴിഞ്ഞത്ത് കസ്റ്റഡിയിലുള്ള വിദേശ കപ്പലിനായിരുന്നു ഇന്ധനം നിറച്ചത്. തി​രു​വ​ന​ന്ത​പു​രം കേ​ന്ദ്ര​മാ​യ ജി​യോ മാ​ക്സ് ഷി​പ്പിം​ഗ് സ​ർ​വീ​സ​സ് എ​ന്ന ക​മ്പ​നി​യാ​ണ് ബ​ങ്കറിം​ഗ് ന​ട​ത്തി​യ​ത്. 1,20,000 ലി​റ്റ​ർ ഇ​ന്ധ​ന​മാ​ണ് ഇ​ന്ന​ലെ കൊ​ച്ചി​യി​ൽ നി​ന്നും എം.​ടി ജ​നീ​സ​സ് എ​ന്ന ക​പ്പ​ൽ മു​ഖാ​ന്തി​രം വി​ഴി​ഞ്ഞ​ത്ത് എ​ത്തി​ച്ച് ഇ​വി​ടെ തു​ട​രു​ന്ന കപ്പലിൽ നി​റ​ച്ച​ത്. ക​ട​ലി​ൽ ന​ങ്കൂ​ര​മി​ട്ട ക​പ്പ​ലി​ന് സ​മീ​പം മ​റ്റൊ​രു ക​പ്പ​ൽ എ​ത്തി ഇ​ന്ധ​നം നി​റ​യ്ക്കു​ന്ന​ത്(​ബ​ങ്ക​റിം​ഗ്) വി​ഴി​ഞ്ഞ​ത്ത് ആ​ദ്യ​മാ​ണ്.

കൊ​ച്ചി​യി​ൽ നി​ന്നും രാ​വി​ലെ എ​ത്തി​യ എം.​ടി. ജ​നീ​സ​സ് എ​ന്ന ക​പ്പ​ലി​ൽ നി​ന്നും 9 മ​ണി​യോ​ടെ​യാ​ണ് ഇ​ന്ധ​നം നി​റ​ച്ച് തു​ട​ങ്ങി​യ​ത് ഏ​ക​ദേ​ശം മു​ക്കാ​ൽ മ​ണി​ക്കൂ​ർ കൊ​ണ്ട് ബ​ങ്കി​റിം​ഗ് വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​താ​യി അ​ധി​കൃ​ത​ർ പ​റ​ഞ്ഞു.12.45​ഓ​ടെ ക​പ്പ​ൽ മ​ട​ങ്ങി. ധ്വ​നി എ​ന്ന ട​ഗി​ന്‍റെ അസി. മ​റൈ​ൻ എ​ഞ്ചി​നീ​യ​ർ ശ്രീ​കു​മാ​ർ സാ​ങ്കേ​തി​ക ന​ട​പ​ടി​ക​ൾ​ക്ക് നേ​തൃ​ത്വം ന​ൽ​കി. ക​പ്പ​ലി​ടി​ച്ചു മീ​ൻ​പി​ടി​ത്ത ബോ​ട്ടു മു​ങ്ങി​യ സം​ഭ​വ​ത്തി​ൽ വി​ഴി​ഞ്ഞ​ത്ത് ത​ട​ഞ്ഞി​ട്ടി​രി​ക്കു​ന്ന എം.​ വി സോ​ളി​സ് എ​ന്ന ക​പ്പ​ലി​ലാ​ണ് ഇ​ന്ന​ലെ ബ​ങ്ക​റിം​ഗ് ന​ട​ത്തി​യ​ത്.

ഇ​ന്ധ​നം പൂ​ർ​ണ​മാ​യി തീ​ർ​ന്നാ​ൽ എ​ൻ​ജി​ൻ പ്ര​വ​ർ​ത്ത​നം നി​ല​ച്ച് ക​പ്പ​ൽ ഉ​പേ​ക്ഷി​ക്കേ​ണ്ട ഗു​രു​ത​ര സ്ഥി​തി ഉ​ണ്ടാ​കു​മെ​ന്ന പ്ര​തി​സ​ന്ധി ക​ണ​ക്കി​ലെ​ടു​ത്ത് ക​പ്പ​ൽ ക്യാ​പ്റ്റ​ന്‍റെ അ​ടി​യ​ന്ത​ര മെ​യി​ൽ സ​ന്ദേ​ശ​ത്തെ തു​ട​ർ​ന്ന് ഡ​യ​റ​ക്‌​ട​ർ ജ​ന​റ​ൽ ഓ​ഫ് ഷി​പ്പിം​ഗി​ൽ നി​ന്നു​ള്ള നി​ർ​ദേ​ശാ​നു​സ​ര​ണ​മാ​യി​രു​ന്നു ഇ​ന്ധ​നം എ​ത്തി​ച്ച് ന​ൽ​കി​യ​ത്. തു​ട​ർ​ന്നാ​ണ് ബോ​ട്ട് മു​ങ്ങി​യ സം​ഭ​വ​ത്തോ​ട​നു​ബ​ന്ധി​ച്ച് മാ​ർ​ച്ച് 9ന് ​വി​ഴി​ഞ്ഞം ക​ട​ലി​ൽ എ​ത്തി​ച്ച ക​പ്പ​ൽ തു​റ​മു​ഖം വി​ട​രു​തെ​ന്ന് കൊ​ച്ചി മ​ർ​ക്ക​ന്‍റെ​ൽ മ​റൈ​ൻ വ​കു​പ്പി​ന്‍റെ ഉ​ത്ത​ര​വു​ണ്ട്. അപകടത്തിൽ ത​മി​ഴ്നാ​ട്, കൊ​ൽ​ക്ക​ത്ത സ്വ​ദേ​ശി​ക​ളാ​യ 9 പേ​ർ പ​രു​ക്കു​ക​ളോ​ടെ രക്ഷ​പ്പെ​ട്ടു. ക്യാ​പ്റ്റ​ൻ ലെ ​വാ​ൻ ട്യു​വാ​ൻ ഉ​ൾ​പ്പെ​ടെ വി​യ​റ്റ്നാം​കാ​രാ​യ 20 ക്രൂ​വാ​ണ് ക​പ്പ​ലി​ലു​ള്ള​ത്. ക​ഴി​ഞ്ഞ ദി​വ​സ​ങ്ങ​ൾ പ്രാ​ദേ​ശി​ക​മാ​യി ല​ഭ്യ​മാ​ക്കി​യ ഇ​ന്ധ​നം ര​ണ്ടു​ത​വ​ണ നി​റ​ച്ചി​രു​ന്നു.