വീട്ടുവരാന്തയിൽ പത്രം വായിച്ചിരിക്കെ കാട്ടുപന്നി ആക്രമണം; താമരശ്ശേരിയിൽ മധ്യവയസകന് പരിക്ക്

ഇന്ന് രാവിലെ 6 മണിയോടെയാണ് കാട്ടുപന്നി ആക്രമണം. വീട്ടുവരാന്തയിൽ പത്രം വായിച്ചിരുന്ന മധ്യവയസ്കന് പരിക്കേറ്റു. എം കെ അബ്ദുൽ ഖാദർ (59) നാണ് പരിക്കേറ്റത്.

കോഴിക്കോട്: താമരശ്ശേരിയിൽ കാട്ടുപന്നി ആക്രമണം. ഇന്ന് രാവിലെ 6 മണിയോടെയാണ് കാട്ടുപന്നി ആക്രമണം. വീട്ടുവരാന്തയിൽ പത്രം വായിച്ചിരുന്ന മധ്യവയസ്കന് പരിക്കേറ്റു. എം കെ അബ്ദുൽ ഖാദർ (59) നാണ് പരിക്കേറ്റത്. അപ്രതീക്ഷിതമായി വീട്ടുവരാന്തയിലേക്ക് കുതിച്ചെത്തിയ കാട്ടുപന്നി അബ്ദുൾ ഖാദറിന്റെ കാലിൽ കുത്തുകയായിരുന്നു. അബ്ദുൾ ഖാദറിനെ പിന്നീട് താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. പ്രദേശത്ത് രൂക്ഷമായ കാട്ടുപന്നി ശല്യമുണ്ടെന്ന് നാട്ടുകാർ ആരോപിച്ചു. മൂന്ന് വർഷം മുൻപ് പ്രദേശത്ത് കാട്ടുപന്നി ഓട്ടോറിക്ഷയ്ക്ക് കുറുകെ ചാടി ഓട്ടോ ഡ്രൈവർ മരിച്ചിരുന്നു.