
തൃശൂർ: പെരിഞ്ഞനത്ത് യുവതിയെ കത്തി കാട്ടി ഭയപ്പെടുത്തി മൂന്ന് പവൻ്റെ മാല കവർന്നതായി പരാതി. രാത്രി പെരിഞ്ഞനം കുറ്റിലക്കടവിലുള്ള കൊച്ചിപ്പറമ്പത്ത് ശോഭന പുരുഷോത്തമൻ്റെ വീട്ടിലാണ് സംഭവം നടന്നത്. ശോഭനയുടെ മകൾ പ്രീജുവിൻ്റെ കഴുത്തിൽ നിന്നുമാണ് മാല പൊട്ടിച്ചെടുത്തത്. ശോഭനയും പ്രീജുവിൻ്റെ മകനും ചേർന്ന് വീടിൻ്റെ ഗെയിറ്റ് അടക്കാൻ പോയ നേരത്താണ് പതുങ്ങി നിന്നിരുന്ന കള്ളൻ വീട്ടിൽ കയറി പ്രീജുവിനെ ഭയപ്പെടുത്തി മാല പൊട്ടിച്ചത്. കയ്യിലുണ്ടായിരുന്ന കത്തി വീട്ടിൽ ഉപേക്ഷിച്ചാണ് കള്ളൻ കടന്നു കളഞ്ഞത്. കയ്പമംഗലം പോലീസ് സ്ഥലത്തെത്തി അന്വേഷണം ആരംഭിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam