ഏലത്തോട്ടത്തിൽ ജോലിക്കിടെ മരത്തിൽനിന്ന് വീണ് തൊഴിലാളി മരിച്ചു

ശിഖരങ്ങള്‍ മുറിച്ചുമാറ്റുന്നതിനിടയിൽ സുരക്ഷക്കായി ദേഹത്ത് കെട്ടിയിരുന്ന കയര്‍ അഴിഞ്ഞുപോയതിനെ തുടര്‍ന്ന്  വീഴുകയായിരുന്നു.

നെടുങ്കണ്ടം: ഏലത്തോട്ടത്തിൽ ജോലി ചെയ്യുന്നതിനിടെ മരത്തില്‍നിന്ന്  വീണ് തൊഴിലാളി മരിച്ചു. തിങ്കള്‍ക്കാട് മന്നാക്കുടി കോളനിയിലെ അയ്യാവ്(49) ആണ് മരിച്ചത്. കഴിഞ്ഞ ദിവസം ഉച്ചക്ക് സ്വകാര്യ വ്യക്തിയുടെ പുരയിടത്തില്‍ ഏലത്തിന് തണലൊരുക്കുന്നതിനായി മരത്തിൽ കയറിയത്. ശിഖരങ്ങള്‍ മുറിച്ചുമാറ്റുന്നതിനിടയിൽ സുരക്ഷക്കായി ദേഹത്ത് കെട്ടിയിരുന്ന കയര്‍ അഴിഞ്ഞുപോയതിനെ തുടര്‍ന്ന്  വീഴുകയായിരുന്നു. കൂടെ ഉണ്ടായിരുന്ന തൊഴിലാളികള്‍ ഇയാളെ നെടുങ്കണ്ടത്തെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു.  മൃതദേഹം അടിമാലി താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റുമാര്‍ട്ടം ഇന്ന് നടത്തി മൃതദേഹം ബന്ധുക്കള്‍ക്ക് വിട്ടുനല്‍കും. വത്സയാണ് ഭാര്യ. സുബിന്‍ ഏക മകനാണ്.