കെട്ടിട നിർമാണത്തിനിടെ 3 നിലക്കെട്ടിടത്തിൽനിന്ന് വീണു, ചികിത്സയിലിരിക്കെ തൊഴിലാളി മരിച്ചു

കെട്ടിടത്തിൽ നിന്നും വീണ സനലിനെ അബോധാവസ്ഥയിലാണ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. പരുക്ക് ഗുരുതരമായതിനാൽ ഇന്നലെ മരിച്ചു.

തിരുവനന്തപുരം: കെട്ടിടത്തിൽ നിന്നു വീണു പരിക്കേറ്റ നിർമ്മാണ തൊഴിലാളി മരിച്ചു. പൂങ്കുളം പുന്നവിള പുത്തൻ വീട്ടിൽ സനൽ (57) ആണ് മരിച്ചത്. വണ്ടിത്തടത്ത് പെട്രോൾ പമ്പിന് സമീപം മൂന്ന് നില കെട്ടിടത്തിന്‍റെ നിർമാണത്തിനിടെ മുകളിൽ നിന്നും വീണ് ചികിത്സയിലിരിക്കെയാണ് മരണം. കെട്ടിടത്തിൽ നിന്നും വീണ സനലിനെ അബോധാവസ്ഥയിലാണ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. പരുക്ക് ഗുരുതരമായതിനാൽ ഇന്നലെ മരിച്ചു.