
തിരുവല്ല: അഞ്ച് വർഷത്തെ മികച്ച പ്രവർത്തനങ്ങൾക്ക് നന്ദി അറിയിച്ചുകൊണ്ട്, തിരുവല്ല നെടുമ്പ്രം ഗ്രാമ പഞ്ചായത്തിലെ വാർഡ് 12 (ഒറ്റത്തെങ്ങ്) തൊഴിലുറപ്പ് തൊഴിലാളികൾ വാർഡ് മെമ്പർ ജിജോ ചെറിയാന് നോട്ട് മാലയണിയിച്ച് യാത്രയയപ്പ് നൽകി. ജനപ്രതിനിധിയോടുള്ള തൊഴിലാളികളുടെ സ്നേഹവും അംഗീകാരവുമാണ് ഈ വേറിട്ട യാത്രയയപ്പിൽ പ്രകടമായത്.
അഞ്ച് വർഷവും വാർഡിലെ തൊഴിലുറപ്പ് പദ്ധതിയിൽ തൊഴിലാളികൾക്ക് 100 ദിവസത്തെ തൊഴിൽ ഉറപ്പാക്കുന്നതിൽ ജനപ്രതിനിധി എന്ന നിലയിൽ ജിജോ ചെറിയാൻ നടത്തിയ ശ്രമങ്ങൾക്കുള്ള അംഗീകാരമായിട്ടാണ് തൊഴിലാളികൾ ഈ യാത്രയയപ്പ് നൽകിയത്. നോട്ട് മാലയിലെ പണവും മറ്റ് സമ്മാനങ്ങളും തൊഴിലാളികളുടെ സ്നേഹത്തിൻ്റെ പ്രതീകമായി.
വാർഡ് നിലവിൽ വനിതാ സംവരണമാണ്. എങ്കിലും, അടുത്ത തിരഞ്ഞെടുപ്പിൽ മത്സരിക്കാൻ അവസരം ലഭിക്കുകയാണെങ്കിൽ, തൊഴിലാളികൾ നൽകിയ ഈ തുക ഉപയോഗിച്ച് താൻ നോമിനേഷൻ നൽകുമെന്നാണ് ഗ്രാമപഞ്ചായത്ത് അംഗം ജിജോ ചെറിയാൻ പ്രതികരിച്ചത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam