ഇല്ലാത്ത കേസുകളില്ല; പൊലീസ് മേധാവിയുടെ റിപ്പോര്ട്ട്, പിന്നാലെ കളക്ടറുടെ ഉത്തരവ്, യുവാവ് കാപ്പ കേസിൽ ജയിലിൽ
Synopsis
നിരവധി കേസുകളില് പ്രതിയായ യുവാവിനെ കാപ്പ ചുമത്തി കണ്ണൂര് സെന്ട്രല് ജയിലിലടച്ചു
കല്പ്പറ്റ: നിരവധി കേസുകളില് പ്രതിയായ യുവാവിനെ കാപ്പ ചുമത്തി കണ്ണൂര് സെന്ട്രല് ജയിലിലടച്ചു. കമ്പളക്കാട്, പൂവനേരിക്കുന്ന്, ചെറുവനശ്ശേരി വീട്ടില് സി.എ. മുഹ്സിനെ(29) യാണ് ജയിലിലടച്ചത്. വയനാട് ജില്ലാ പൊലീസ് മേധാവി ടി. നാരായണന് ഐ.പി.എസ്. സമര്പ്പിച്ച റിപ്പോര്ട്ടിന്റെ അടിസ്ഥാനത്തില് വയനാട് ജില്ലാ കലക്ടര് രേണു രാജ് ഐഎ. എസ് ആണ് ഉത്തരവിറക്കിയത്.
കഴിഞ്ഞ ഏഴ് വര്ഷത്തിനുള്ളില് ഇയാള്ക്ക് വയനാട് ജില്ലയിലെ കമ്പളക്കാട്, പടിഞ്ഞാറത്തറ, പനമരം, മേപ്പാടി പൊലീസ് സ്റ്റേഷനുകളിലും, മലപ്പുറം ജില്ലയിലെ കരിപ്പൂര് പൊലീസ് സ്റ്റേഷനിലുമായി വധശ്രമം, ക്വട്ടേഷന്, തട്ടിക്കൊണ്ട് പോയി ദേഹോപദ്രവം ഏല്പ്പിക്കല്, പിടിച്ചുപറി, സംഘം ചേര്ന്ന് കുറ്റകൃത്യം ചെയ്യാന് തയ്യാറെടുക്കല്, ലഹരി കടത്ത്, ലഹരി പാര്ട്ടി സംഘടിപ്പിക്കല് തുടങ്ങി ഏട്ടോളം കേസുകളുണ്ട്. സംസ്ഥാനത്തെ സ്വര്ണ കടത്ത് ക്വട്ടേഷന് സംഘത്തിലെ പ്രധാനിയായ മുഹ്സിനെ ഈ മാസം ആറിന് വയനാട് പൊലീസ് സാഹസികമായി പിടികൂടിയിരുന്നു.
വീട്ടിലെത്തി തോക്കുചൂണ്ടി, സ്വർണവും പണവും കവരും; 90 ലധികം കേസുകൾ; ഗുണ്ടാത്തലവൻ വർക്കലയിൽ അറസ്റ്റിൽ
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam